गोल्ड मेडलिस्ट मल्लिका

नारी संवाददाता

भाद्र ३, २०७६  

काठमाडौंमा आयोजित १२ औं एसियन शारीरिक सुगठनमा मल्लिका शाक्यले बुमन्स मोडल फिजिक्सतर्फको स्वर्णपदक जितेर पुरुषहरूको वर्चस्व रहँदै आएको खेलमा आफ्नो चुनौतीपूर्ण उपस्थिति जनाएकी छिन् । 

कलंकी ढुंगेअड्डाकी २९ वर्षीया शाक्य करिब ४ वर्षअघि शरीरलाई फिट राख्न जिम सेन्टर पुगेकी थिइन् । जिम सेन्टर जानुअघि उनलाई न फिटनेसका बारेमा जानकारी थियो न त शारीरिक सुगठन खेलका बारेमै । शाक्यका गुरु रुजेश शाहीले नै उनलाई शारीरिक सुगठनमा सहभागी हुन सल्लाह दिएका हुन् । फिटनेसका लागि जिम छिरेकी मल्लिकाले त्यसपछि कार्डियो इन्स्ट्रक्टरका रूपमा काम सुरु गरिन् । 

यसअघि उनले ‘मिस्टर एन्ड मिस हिमालय’ मा चौथो स्थान हासिल गरेकी थिइन् । विभिन्न फिटनेस सेन्टरमा इन्स्ट्रक्टरका रूपमा कार्यरत मल्लिकाको अबको योजना शारीरिक सुगठनमै आफ्नो भविष्य स्थापित गर्नु हो ।

तपाईको प्रतिक्रिया

कमेन्टको लागि यहाँ click गर्नुहोस्

फेसबूक कमेन्ट गर्नुहोस्

फेसबूक छैन? यो फारम प्रयोग गर्नुहोस्


?>