‘शिल्पाञ्जलि’ प्रदर्शन
काठमाडौंस्थित नेपाल आर्ट काउन्सिलमा हालै सपना खरेलको ‘शिल्पाञ्जलि’ कला प्रदर्शनी भयो । प्रदर्शनीमा उनले जापानी शैलीअनुसार पुष्प सजावट गर्ने कला प्रस्तुत गरिन् । प्रदर्शनीमा‘ओसिबाना’ र ‘चिगिरी–ई’ अन्तर्गतका कला राखिएको थियो ।
फेसन फेडरेसन नेपालले पोखरामा अन्तर्राष्ट्रिय फेसन विक नेपाल–पोखराको आयोजना गर्ने भएको छ । द काठमाडौं पोस्टको प्रस्तुतिमा उक्त फेसन विक चैत २८ गतेदेखि ३० गतेसम्म सञ्चालन हुनेछ । आयोजक संस्थाले जनाएअनुसार फेसन विकका क्रममा २० जना महिला तथा ५ जना पुरुष मोडलले विभिन्न पहिरन प्रदर्शन गर्नेछन् ।
फेसन विकको विशेष आकर्षण अन्तर्राष्ट्रिय ज्वेलरी डिजाइनर मोना श्राफले डिजाइन गरेका गरगहनाको प्रदर्शन हुनेछ । भारतीय कोरियोग्राफर श्रेया सिंहले कोरियोग्राफी गर्ने फेसन विकमा फेसन डिजाइनर प्रेम देव तथा शुभासिनी सिंहका पहिरनका अतिरिक्त अन्य स्वदेशी तथा विदेशी डिजाइनरका पहिरनसमेत प्रदर्शन गरिनेछ । फेसन विक पोखराको स्काइ स्पोटर््स क्लबमा सञ्चालन हुने बताइएको छ ।
आममहिलालाई लक्षित गरी महिलाको विषयवस्तु सम्बन्धित म्यागेजिनको संख्या न्यून रहेको अवस्थामा नारी मासिकको परिकल्पना गरिएको हो । कान्तिपुर पब्लिकेसन्सको सह–प्रकाशन नारी मासिकले महिलाका विविध आयामलार्ई समेट्दै आएको छ ।महिलाका विषयवस्तुमा प्रकाशित म्यागेजिनको संख्या न्यून रहेको अवस्थामा यसले महिलाका विभिन्न विषयलार्ई समेट्दै आफूलार्ई अग्रस्थानमा राख्न सफल भएको छ ।
© Copyright narimag.com.np |