कतिपय दुलही मेकअप, पहिरन, हेयर स्टाइल राम्रो भएर पनि ज्वेलरी सेन्स नभएर त्यति नखुलेका हुन्छन् । सुनको नेकलेसमा डायमण्डको हेयर क्राउन लगाउने चलन होस् वा नचाहिने ठाउँमा हेयर एसेसरिज प्रयोग गरी अझ नराम्रो देखिरहेका पनि उत्तिकै हुन्छन् ।
त्यसैले अहिले दुलहीहरू ज्वेलरी छान्ने कुरामा अझ बढी सचेत हुन थालेका छन् । ज्वेलरी सेलेक्सनमा बजेट निर्धारण गरेपछि ज्वेलरीको डिजाइन खोजिन्छ । कतिपयले लाइट नेकलेस खोज्छन् भने कतिपयले १०–१२ तोलासम्मको नेकलेस डिजाइन गराउँछन् ।
अहिले ब्राइडल नेकलेसमा चोकरका विभिन्न डिजाइन बढी रुचाइँदैछ भने इयररिङ पनि ठूलो नै रुचाइएको पाइन्छ । साथमा रानी हार त सदाबहार नै छ । औंठीमा पनि ठूलो डिजाइन नै फेसनमा छ । अहिलेका दुलहीहरू हेबीभन्दा आकर्षक र युनिक ज्वेलरी खोज्छन् । उनीहरू ज्वेलरीले आफ्नो डिजाइनर वेयरलाई नछेकोस् भन्ने पनि सोच राख्छन् ।
कतिपय दुलही सुनको भन्दा ठिक्कको डायमण्ड सेट लगाउन खोज्छन् । कतिपय दुलही अरु बेला पनि लगाउन मिल्ने गहना डिजाइन गराउँछन् । फेसनमा रहेको भन्दा ग्राहकको रुचिअनुसार ज्वेलरी तयार गरिने बराह ज्वेलरीका पावेल उदास बताउँछन् ।
आममहिलालाई लक्षित गरी महिलाको विषयवस्तु सम्बन्धित म्यागेजिनको संख्या न्यून रहेको अवस्थामा नारी मासिकको परिकल्पना गरिएको हो । कान्तिपुर पब्लिकेसन्सको सह–प्रकाशन नारी मासिकले महिलाका विविध आयामलार्ई समेट्दै आएको छ ।महिलाका विषयवस्तुमा प्रकाशित म्यागेजिनको संख्या न्यून रहेको अवस्थामा यसले महिलाका विभिन्न विषयलार्ई समेट्दै आफूलार्ई अग्रस्थानमा राख्न सफल भएको छ ।
© Copyright narimag.com.np |
