नारी संवाददाता

मंसिर ११, २०७५

कतै अफिस वा कुनै समारोह, स्कूल वा अन्य कतै जाने बेला आफूलाई चाहिने पहिरन तथा सामान नपाउँदा भनेको बेलामा निश्चित ठाउँमा पुग्न सकिँदैन । आफूलाई चाहिने सामान भनेको बेलामा नपाएपछि सामान खोज्नमै समय खेर गैरहेको हुन्छ । यस्तो अव्यवस्थित अवस्थालाई सफा र आकर्षक बनाउँछ वार्डरोबले । मेरो त्यो ड्ेरस कता गयो, कहाँ परेछ भनेर घरका सदस्यलाई गुहार्न नपर्ने गरी सामानको सही व्यवस्थापन गर्छ वार्डरोबले ।

 

दराज व्यवस्थापन गर्ने उपाय

-    दराज राम्रोसँग सफा गर्ने अनि जुन–जुन पहिरन दराजमा राख्ने हो ती पहिरनलाई राम्रोसँग पट्याउने । दराजमा पहिरनबाहेक अन्य सामान समेत राख्न सकिन्छ ।

-    दराजमा मिलाएर कपडा राख्नुपर्छ । कुन र कति सामान दराजमा राख्ने हो सबै कुराको योजना बनाउनुपर्छ । यसका लागि थोरै फरक ठाउँ राख्दै कपडा राख्नु उपयुक्त हुन्छ ।

-    सबै पहिरन तह लगाएर राख्नुपर्छ भन्ने पनि छैन । कतिपय पहिरन हेंगरमा झुन्डाएर राख्न सकिन्छ । खासगरी कोट, ब्लेजर, साडीजस्ता पहिरनमा क्रिज बस्ने भएका कारण हेंगरमा राखे कुनै समस्या देखापर्दैन ।

-    बजारमा वुडन, स्टिल, प्लास्टिक आदिका फरक–फरक स्टाइलका हेंगरहरू किन्न सकिन्छ । कोट झुन्ड्याउन चौडा आकारको हेंगर उपयुक्त हुन्छ ।

साडीका लागि पातलो तथा सर्ट र ट्राउजरका लागि क्लिप भएको हेंगर प्रयोग गर्न सकिन्छ ।

-    कुनै पहिरन लामो समय नलगाउने हो भने त्यत्तिकै दराजमा राख्नु हुँदैन । त्यसलाई दराजबाटै हटाउनु राम्रो हुन्छ ।

-    दराजमा जुत्ता पनि राख्न सकिन्छ तर जुत्ता कहिल्यै खुल्ला राख्नुहुँदैन । जुत्ता बक्समा राखे त्यसको गन्ध अन्य पहिरन तथा सामानहरूमा पुग्न सक्छ ।

-    दराजमा कपडा राख्दा बट भएको एक तहमा राख्ने । यसैगरी एउटै स्टाइलका पहिरन अर्काे तहमा मिलाएर राखे कपडा खोजेका बेला सजिलै प्राप्त गर्न सकिन्छ ।

-    जिन्सका कपडा अहिले धेरै प्रयोग हुने पहिरनमा पर्छन् । त्यसैले जिन्सजतिलाई एउटा तहमा राखे आवश्यक परेका बेलामा सजिलै फेला पार्न सकिन्छ अनि कपडा खोज्न लाग्ने समयको समेत बचत हुन्छ ।

-    दराजमा लाइटको व्यवस्था छ भने अँध्यारोमा पनि आफ्ना सामान खोज्न कुनै झन्झट हुँदैन ।

-    दराजमा धेरै खाली ठाउँ छैन भने हुक अट्याच गर्न सकिन्छ । त्यसपछि कपडा तथा जुत्ताका साथै बेडलाइन अर्थात् तौलिया आदि सामान पनि राख्न सकिन्छ ।