Successfully Copied

राधिकाको नदेखिएको क्षमता

महिलाले चाहे जस्तोसुकै काममा सफलता हात पार्न सक्छन् भन्ने ज्वलन्त उदाहरण हुन्– राधिका हमाल । राधिकाले २०६१ सालदेखि सुदूरपश्चिमको कबर्ड हलमा कराँते सिकाउन थालिन् । अहिले पनि उनको यात्रा रोकिएको छैन । ताल्छीखेलको एउटा स्कुलमा कराँते सिकाउने राधिकाले अहिले कराँतेमा चौथो डन

हाम्रो समाजमा यस्ता थुप्रै उदाहरणीय महिला छन् जसले आफ्नो पेसामा विशेषज्ञता हासिल गरेर पनि अन्य सिर्जनशील क्षेत्रमा समेत आफूलाई अब्बल साबित गरिरहेका छन् । कुशल व्यवस्थापकीय क्षमता बोकेका नारी जाति बहुमुखी प्रतिभाका पर्याय हुन् । उहीहरूमा एकै पटकमा मल्टिटास्किङ क्षमता प्रस्तुत गर्नसक्ने स्वभाव हुन्छ । केही त्यस्ता नेपाली महिला जो छेकिएको क्षमता प्रस्फुटन गरी आफ्नो पेसा–व्यवसायका अतिरिक्त थप दक्षता प्रस्तुत गर्दै अघि बढिरहेका छन् :

राधिका ऐर हमाल

कराँते मास्टर, समाजसेवी, संचालिका,

लर्निङ ह्यान्ड् प्रि–स्कुल

कन्चनपुरमा जन्मिएकी राधिका परिवारकी साहिँली छोरी हुन् । सानैदेखि उनमा नेतृत्व दिने स्वभाव थियो । उनको समयमा महिलाले कराँते सिक्नु भनेको ठूलो कुरा थियो । यद्यपि राधिकाले आफ्ना हजुरबुवाको सहयोग तथा भदाका कारण २०४८ सालदेखि कराँते सिक्न थालिन् । राधिकाले २०५० सालमा ब्ल्याक बेल्ट प्राप्त गरेकी हुन् ।

महिलाले चाहे जस्तोसुकै काममा सफलता हात पार्न सक्छन् भन्ने ज्वलन्त उदाहरण हुन्– राधिका हमाल । राधिकाले २०६१ सालदेखि सुदूरपश्चिमको कबर्ड हलमा कराँते सिकाउन थालिन् । अहिले पनि उनको यात्रा रोकिएको छैन ।  ताल्छीखेलको एउटा स्कुलमा कराँते सिकाउने राधिकाले अहिले कराँतेमा चौथो डन प्राप्त गरिसकेकी छिन् । कराँतेबाट स्वस्थ हुनुका साथै आत्मबलसमेत बढ्ने उनको धारणा छ । बिहान कराँते सिकाउन जाने राधिका लर्निङ ह्यान्ड्स प्रि–स्कुलकी संचालिका हुन् । बिहान ४ बजेदेखि सुरु हुने उनको दैनिकी बेलुका ७ बजे सकिन्छ । ४ बजे उठेपछि केही समय उनी मर्निङ वाकमा जान्छिन् । स्कुलमा कराँते सिकाएपछि आठ बजे लर्निङ ह्यान्ड्स स्कुल पुग्छिन् । त्यहाँ विद्यार्थीलाई योग तथा कराँते सिकाउनुका साथै प्रशासनिक काम पनि गर्छिन् ।दिउँसो सानोगौचरनस्थित अफिसमा केही घन्टा बिताउँछिन् । त्यसपछि स्कुलमै आएर केही समय गृहिणीहरूलाई योग तालिम दिन्छिन् । हमाल बिहानको खाना स्कुलमै खान्छिन् भने बेलुकाको खाना घरमा आफैं बनाउँछिन् । शनिबार घर सरसफाइ गर्नुका साथै लुगा धुने काम गर्छिन् । ग्वार्कोमा बसोबास गर्ने उनको दिनचर्या देखेर छिमेकीहरू पनि छक्क पर्छन् । राधिका समाजसेवामा समेत सक्रिय छिन् । छिट्टै उनी आफ्नो टोलमा आमा समूह गठन गर्दैछिन् । उनले महिला चिकित्सकहरूलाई आत्मसुरक्षाको तालिमसमेत प्रदान गरेकी छिन् । राधिका बाग्मती सरसफाइ अभियानमा समेत सक्रिय छिन् । उनी बेला–बेलामा कराँतेको थप तालिम लिएर अपग्रेड पनि भैरहन्छिन् ।

मेसिनजस्तै चलेको दिनचर्याप्रति राधिकालाई कुनै गुनासो छैन । निस्क्रिय जीवन यापन गर्नुभन्दा यही सक्रिय जीवनबाट खुसी छिन् उनी । कडा परिश्रम गरे महिलाले एकैपटकमा धेरैभन्दा धेरै काम सुव्यवस्थित ढंगले सम्पन्न गर्न सक्ने उनको धारणा छ । आत्मबल तथा दृढइच्छा भए सबै कुरा व्यवस्थापन गर्न सकिने राधिका बताउँछिन् ।

 Image