विवाह के हो ?

लक्ष्मी भण्डारी थापा

मंसिर ८, २०७३  

जयन्तीमाला चापागार्इं (आईटी स्पेसलिस्ट तथा संस्थापक, स्पाइकर सल्युसन, नयाँ बानेश्वर)

विवाह के हो ?

दुईजनाले आफ्नो जीवन सँगै बिताउन गरिने संकल्प ।

 

सम्बन्ध सुमधुर राख्न केले मुख्य भूमिका खेल्छ ?

माया, विश्वास अनि एक–अर्काको भावनाप्रति सम्मानजनक व्यवहार ।

 

विवाह नामक संस्थाभित्र युवापुस्ताले बढी नै स्वतन्त्रता खोज्छ भनिन्छ, यो कत्तिको जायज हो ?

स्वतन्त्रता वैवाहिक जीवनका लागि अत्यावश्यक कुरा हो । विवाहका कारण कोही पनि बाँधिएर बस्न सक्दैनन् र चाहँदैनन् पनि । आवश्यक र उचित स्वतन्त्रता आवश्यक हुन्छ । सही र गलत आफैंले छुट्याउने हो जुन ज्ञान आफैंभित्र हुनुपर्छ ।

 

आधुनिक युवाहरू वैवाहिक जीवनलाई कसरी अघि बढाउनुपर्छ भन्ने चाहना राख्छन् ?

एक–अर्कामा विश्वास, भावनाको कदर, आपसी काम एवं व्यक्तिगत चाहनाको सम्मान गर्दै अघि बढ्न पाइयोस् भन्ने चाहना हुन्छ ।

 

के कारण वैवाहिक जीवन धरापमा पर्ने सम्भावना बढ्छ ?

एकले अर्कालाई तल राख्नुपर्छ भन्ने सोच, घटी र बढीको प्रतिस्पर्धा तथा एक–अर्कामा तुलना गर्ने प्रवृत्तिले गर्दा वैवाहिक जीवन बिग्रने सम्भावना बढ्छ ।     

 

तपाईको प्रतिक्रिया

कमेन्टको लागि यहाँ click गर्नुहोस्

फेसबूक कमेन्ट गर्नुहोस्

फेसबूक छैन? यो फारम प्रयोग गर्नुहोस्


?>