विषाक्त खाद्यले घरपालुवालाई समस्या
चकलेटमा ‘थियोब्रामाइन’ नामक पदार्थ हुन्छ, जुन कुकुरले मानिसले जस्तै सजिलै मेटोबोलाइज गर्न सक्दैनन् । यसले कुकुरको मुटु, रक्तनली, फोक्सो र केन्द्रीय प्रणालीलाई नै असर गर्छ र छारे रोगको जस्तो लक्षण देखाउँछ ।
नर्स सरिताको संगीत मोह
बिरामीको सेवा गरेर डेढ दशक बिताइसकेकी सरिता प्रजापती गीत पनि गाउँँछिन् । सानैदेखि नेपाली गीतहरू सुन्ने र हुबहु गाउन खोज्ने सरिता नारायण गोपाल, अरुणा लामा, तारादेवी, भक्तराज एवं अरुण लामाकी प्रशंसक हुन् । यी अग्रज स्रस्टा नै उनका प्रेरणाका स्रोत पनि हुन् । नर्स भए पनि फुर्सदमा गीत रेकर्ड गर्ने, भिडियो बनाउने सरिताले २०६७ मा पहिलो एल्बम सुनिधि बजारमा ल्याएकी थिइन् । पप र आधुनिक गीत समाविष्ट उक्त एल्बमले खासै बजार लिन सकेन । त्यसपछि सरिताले २०७० सालमा हेर्दाहेर्दै शीर्षकको एल्बम बजारमा ल्याइन् । उक्त एल्बमको हेर्दाहेर्दै जवानीले छोएछ गीत इमेज अवार्डमा मनोनयनमा पनि परेको थियो । अब संगीतलाई करिअरका रूपमा अघि बढाउँदै जाने सरिताको योजना छ ।
यो वर्ष मात्र उनले दुई दर्जन स्टेज शो दिएकी छिन् । सरिताले यसपटक तीजका लागि आइ लभ यू भन्छु काले माइन्ड नगर भन्ने एल्बम बजारमा ल्याएकी थिइन् भने छिट्टै ढाकाटोपी शीर्षकको एल्बम सार्वजनिक गर्ने तयारीमा छिन् । नर्सिङ कलेजमा पढाउने सरिता तालिम लिने–दिने क्रममा धेरै जिल्ला पुगिसकेकी छिन् । उनी हरेक जिल्ला पुग्दा त्यहाँको संगीत तथा संस्कृति राम्रोसँग नियालेर आउँछिन् ।
आममहिलालाई लक्षित गरी महिलाको विषयवस्तु सम्बन्धित म्यागेजिनको संख्या न्यून रहेको अवस्थामा नारी मासिकको परिकल्पना गरिएको हो । कान्तिपुर पब्लिकेसन्सको सह–प्रकाशन नारी मासिकले महिलाका विविध आयामलार्ई समेट्दै आएको छ ।महिलाका विषयवस्तुमा प्रकाशित म्यागेजिनको संख्या न्यून रहेको अवस्थामा यसले महिलाका विभिन्न विषयलार्ई समेट्दै आफूलार्ई अग्रस्थानमा राख्न सफल भएको छ ।
© Copyright narimag.com.np |