महिला बचतप्रति सजग भएका छन्
पछिल्लो समय नारीहरू आत्मनिर्भर हुँदै गएका छन् । बचत गर्नेप्रति उनीहरू सजग भएका छन् । आत्मनिर्भर भई आफैंले कमाएर बचत गरौं भन्ने सोचको विकास उनीहरूमा भइसकेको छ ।
यस प्रतिष्पर्धात्मक युगमा आफू अब्बल नभएसम्म पहिचान कायम गर्न गाह्रो छ । त्यसैले जतिसुकै कठीन परिस्थितिमा पनि हरेक कडा प्रतिस्पर्धामा आफूलाई खरो उतार्नै पर्छ । अझ महिलाले त झनै बढी संघर्ष र प्रतिस्पर्धा गर्नुपर्छ । घरायसी काम होस् या कार्यालयको माइक्रोसफ्ट प्रोग्राम लगायत सबैमा महिलाले राम्रो प्रदर्शन गर्न सक्नुपर्छ । केही हदसम्म महिलाहरु लगनशीलता, परिश्रम र अठोटले आ–आफ्नो कार्यक्षेत्रमा सफल पनि भएका छन् । पहिले पुरुषको दबदबा रहेको फोटोग्राफी, थेरापिस्ट आदि पेशामा पछिल्लो समय महिलाले समेत आफ्नो पहिचान कायम गरेका छन् । आफ्नै बलबुतोले हरेक पेशामा महिलाहरु आत्मनिर्भर उन्मुख छन् । आत्मनिर्भरता, स्वाभिमान, पहिचान र प्रतिष्ठाका लागि अगाडि बढ्ने क्रममा नारीहरुले विभिन्न क्षेत्रमा भोग्नुपरेका बाधा/अड्चनहरुका साथै पारिवारिक, सामाजिक र राजनीतिक चुनौतीहरु के–कस्ता छन् त ? यी र यस्तै प्रश्नहरुको जवाफ खोतल्न कान्तिपुर पब्लिकेशन्स् लिमिटेडको सह–प्रकाशन ‘नारी’ मासिकले ‘निर्भिक नारी’ कार्यक्रम अघिल्लो वर्षमा झै यसपाली पनि आयोजना गर्दैछ । यो कार्यक्रमलाई चार सत्रमा विभाजन गरिएको छ :-
– घर : सोच र शिक्षाको शृंखला
– विविधता, समानता, समावेशीकरण
– आर्थिक आत्मनिर्भरता र महिला
– कथा : चुनौतीदेखि सफलतासम्म ।
आममहिलालाई लक्षित गरी महिलाको विषयवस्तु सम्बन्धित म्यागेजिनको संख्या न्यून रहेको अवस्थामा नारी मासिकको परिकल्पना गरिएको हो । कान्तिपुर पब्लिकेसन्सको सह–प्रकाशन नारी मासिकले महिलाका विविध आयामलार्ई समेट्दै आएको छ ।महिलाका विषयवस्तुमा प्रकाशित म्यागेजिनको संख्या न्यून रहेको अवस्थामा यसले महिलाका विभिन्न विषयलार्ई समेट्दै आफूलार्ई अग्रस्थानमा राख्न सफल भएको छ ।
© Copyright narimag.com.np |