हेमन्त राना, गायक

साइँली गीत भाइरल हुनुको कारण गीत राम्रो भएरै हो ?

पक्कै पनि, साइँलीको गीत राम्रैसँग भाइरल भएको छ । शब्द, संगीत, गायन, म्युजिक भिडियो निर्देशन तथा मेनुका प्रधान र गौरव पहाडीको मन छुने अभिनयले गर्दा यसले धेरैको मन जितेको छ । यो गीतका युटयुव भ्युअर्स १५ दिनभित्र ५६ लाख कट्नुमा सामाजिक सञ्जालको पनि प्रमुख भूमिका छ ।

यसका दर्शक–श्रोताहरू कस्ता छन् ?

यो गीत बेरोजगार भएर वा सम्पत्ति कमाउन बाध्य भएर विदेसिएका युवाहरूको आफ्नै कथा हो । अहिले प्राय: हरेक घरका कुनै न कुनै सदस्य विदेसिएको अवस्थामा स्वदेश तथा विदेशमा रहेका नेपालीहरू नै साइँलीका श्रोता–दर्शक हुन् । 

यो गीत बनाउँदा यसले यति माया पाउँछ भन्ने अपेक्षा गर्नुभएको थियो ?

गीत राम्रो बन्छ भन्ने पक्का थियो तर अहिले फास्ट ट्रयाकका नाच्ने गीत चलिरहेको अवस्थामा श्रोताहरूले कसरी लिन्छन् भन्ने द्विविधा पनि त्यत्तिकै थियो । यो गीतको कम्पोजले मेरो मन छोएको थियो । 

साइँली नै तपाईंको पहिलो लोक पप गीत हो ?

हो, यो मेरो स्वरको पहिलो लोक पप गीत हो । म मुख्यत: सुफी तथा आधुनिक गीत गाउँछु र म लै जा चरीजस्ता गीत नै गाउन रुचाउँछु । 

यो तपाईंको कति औं गीत हो ?

यो मेरो ५० औं गीत हो । यो मेरो चौथो एल्बमको गीत हो ।

तपाईंलाई मनपर्ने गायक–गायिका ?

नारायण गोपाल, भक्तराज आचार्य, अहिलेका सन्तोष लामा, धर्मेन्द्र सेवान आदि । गायिकामा श्रेया सोताङ तथा सुवानी मोक्तानको स्वर निकै मन पर्छ ।