मर्मभित्र मदन
‘मेरी धर्मपत्नी यशोदा नभएको भए म आज यो स्थानमा हुँदैनथें । जीवनमा जे–जति गर्न सकें उनकै प्रेम, साथ, सहयोग र प्रेरणाले सम्भव भएको हो’ उनले भने, ‘यशोदाको स्वर्गारोहणपछिका पाँचवर्षयता म अधूरो र अपूरो छु ।’
गत महिनाको नारीमा ‘महिलाका लागि आत्मसुरक्षा’ पढें । उक्त लेख हरेक महिलाका लागि उपयोगी छ । महिलालाई कमजोर चित्रण गर्ने, कमजोर हुन सिकाउने तथा सदैव दबाउन एवं थिचोमिचोमै पार्न खोज्ने सामाजिक अवस्थामा आफूलाई जोगाउन कसरी सक्षम हुन सकिन्छ भन्ने विषयमा लेखले थुप्रै उपाय बताएको छ । विभिन्न बहानामा हुने अत्याचार, मानसिक तथा शारीरिक शोषण झेल्न विवश महिलाहरूले एक पटक पढ्नैपर्ने उक्त लेखले कसैबाट हुने अभद्र क्रियाकलापविरुद्ध लड्न ऊर्जा प्रदान गर्छ ।
महिला स्वयंले शक्तिशाली बन्नुपर्ने त छँदैछ राज्यले पनि महिलामाथि हुने हिंसामा शून्य सहनशीलताको नीति अंगाल्नु आवश्यक छ । सामाजिक व्यवहारमा पुरुषको पिछलग्गु बनाइएकाले महिलाहरू पुरुषमाथि निर्भर भए पनि अहिले उनीहरूको क्षमता क्रमश: प्रकट हुँदैछ । क्षमताका हिसाबले कम नहुँदानहुँदै पनि सामाजिक परिपाटीले पाखा लगाइएका महिलाहरू अब जुर्मुराएर अघि बढ्ने बेला आएको छ । अब महिलाको क्षमतालाई कम आँक्ने र पोथीमाथि भाले जातिको प्रभुत्व जसरी पनि कायम रहनुपर्छ भन्ने मान्यता हटाएर नयाँ सम्भावनाको क्षितिज कोरिनुपर्छ जसले महिला गौरवलाई नयाँ उचाइमा पुर्याओस् ।
सविता काफ्ले, बुटवल
आममहिलालाई लक्षित गरी महिलाको विषयवस्तु सम्बन्धित म्यागेजिनको संख्या न्यून रहेको अवस्थामा नारी मासिकको परिकल्पना गरिएको हो । कान्तिपुर पब्लिकेसन्सको सह–प्रकाशन नारी मासिकले महिलाका विविध आयामलार्ई समेट्दै आएको छ ।महिलाका विषयवस्तुमा प्रकाशित म्यागेजिनको संख्या न्यून रहेको अवस्थामा यसले महिलाका विभिन्न विषयलार्ई समेट्दै आफूलार्ई अग्रस्थानमा राख्न सफल भएको छ ।
© Copyright narimag.com.np |