मानिसलाई जस्तै घरपालुवा जनावरलाई पनि कलेजोसम्बन्धी रोग लाग्छ । जसमध्ये कतिपय सामान्य हुन्छन् भने कतिपय ज्यानै लिनेसम्मका हुन्छन् ।
कलेजो शरीरको महत्वपूर्ण अंग मानिन्छ । यसले पाचन प्रक्रियादेखि शरीरभित्रका विकृतिहरू बाहिर निकाल्ने तथा रगतलाई स्वस्थ राख्नेसम्म काम गर्छ । कहिलेकाहीँ समयमा लक्षण थाहा नहुँदा रोग निदान गर्न कठिन हुन्छ र घरपालुवाको मृत्युसमेत हुनसक्छ ।
के कारणले हुन्छ कलेजोमा समस्या ?
उमेर बढी भएका घरपालुवामा यस्ता समस्या देखापर्न सक्छन् । कहिलेकाहीँ वंशानुगत, कतिपय रोगहरू, कडा खाले औषधि (पीडा कम गर्ने), ढुसी लागेका खानेकुरा, अधिक मात्रामा बोसोयुक्त खानेकुरा, मधुमेह आदि पनि यसका कारण हुनसक्छन् ।
लक्षणहरू
–खान नरुचाउनु ।
–शरीरको तौल घट्दै जानु ।
–पातलो दिसा तथा बान्ता गर्नु ।
–दिसा–पिसाबमा रगत देखा पर्नु ।
–बढी मात्रामा पानी पिउनु ।
–पटक–पटक पिसाब गर्नु ।
–हिँड्दा शरीरको सन्तुलन बिग्रनु ।
–आँखा, जिब्रो तथा गिजा पाहेलो हुँदै जानु ।
–कमजोर देखिनु ।
–बेलाबेलामा छारे रोगको समस्या देखिनु ।
–पेटमा पानी जम्नु ।
समयमा रोग पहिचान भए घरपालुवा जनावरलाई कलेजोको प्राय: समस्याबाट जोगाउन सकिन्छ ।
डा.शरद सिंह यादव
एडभान्सड पेट हस्पिटल
विशालनगर, काठमाडौं
आममहिलालाई लक्षित गरी महिलाको विषयवस्तु सम्बन्धित म्यागेजिनको संख्या न्यून रहेको अवस्थामा नारी मासिकको परिकल्पना गरिएको हो । कान्तिपुर पब्लिकेसन्सको सह–प्रकाशन नारी मासिकले महिलाका विविध आयामलार्ई समेट्दै आएको छ ।महिलाका विषयवस्तुमा प्रकाशित म्यागेजिनको संख्या न्यून रहेको अवस्थामा यसले महिलाका विभिन्न विषयलार्ई समेट्दै आफूलार्ई अग्रस्थानमा राख्न सफल भएको छ ।
© Copyright narimag.com.np |
