‘शिल्पाञ्जलि’ प्रदर्शन
काठमाडौंस्थित नेपाल आर्ट काउन्सिलमा हालै सपना खरेलको ‘शिल्पाञ्जलि’ कला प्रदर्शनी भयो । प्रदर्शनीमा उनले जापानी शैलीअनुसार पुष्प सजावट गर्ने कला प्रस्तुत गरिन् । प्रदर्शनीमा‘ओसिबाना’ र ‘चिगिरी–ई’ अन्तर्गतका कला राखिएको थियो ।
नेपाली गायन क्षेत्रमा २० वर्षदेखि अनवरत सक्रिय जोहेब मानन्धरले यो अवधीमा निकै आरोह–अवरोह भोगेका छन् । काठमाडौंको पकनाजोलमा जन्मिएका यी गायकसँग संगीतकै सेरेफेरोमा रही गरिएको संक्षिप्त कुराकानी :
गीत गाउन कहिले सुरु गर्नुभयो ?
बाल्यकालदेखि नै कविता कोर्न तथा बाचन गर्न मन लाग्थ्यो । रेडियो नेपालमा बाल कार्यक्रममा जान्थेँ । ५० को दशकमा मेरो एल्बम ‘ट्यालेन्ट’ रिलिज भयो र त्यसैले मलाई स्थापित गरायो ।
तपाईंको गीतको विशेषता के छ ?
मेरो गीतको शब्दमा मौलिकता हुन्छ । हरेक गीत फरक–फरक स्वादमा छन् । गीत विषयमा प्रवेश गरी बगेको हुन्छ ।
अहिले केमा व्यस्त हुनुहुन्छ ?
आफूले गाएका गीतको भिडियो तयार पार्न व्यस्त छु ।
नेपाली संगीत क्षेत्रमा आफ्नो छवी कस्तो छ जस्तो लाग्छ ?
म पृथक् तथा स्टाइलिस गायकको रूपमा चिनिएको छु ।
सांगीतिक क्षेत्रलाई कुन रूपमा लिनुभएको छ ?
म निरन्तर संगीत क्षेत्रमा लागिरहेको छु । २०५७ सालमा पहिलो इमेज अवार्ड हात पारेँ । ‘म यस्तो गीत गाउँछु’ बोलको गीत चर्चित बन्यो । सफलता साधानाबाट प्राप्त हुन्छ । संगीतलाई रहर पूरा गर्ने माध्यम मात्र बनाउनुहुदैन । संगीतमा साधनाको ठूलो भूमिका हुन्छ ।
आममहिलालाई लक्षित गरी महिलाको विषयवस्तु सम्बन्धित म्यागेजिनको संख्या न्यून रहेको अवस्थामा नारी मासिकको परिकल्पना गरिएको हो । कान्तिपुर पब्लिकेसन्सको सह–प्रकाशन नारी मासिकले महिलाका विविध आयामलार्ई समेट्दै आएको छ ।महिलाका विषयवस्तुमा प्रकाशित म्यागेजिनको संख्या न्यून रहेको अवस्थामा यसले महिलाका विभिन्न विषयलार्ई समेट्दै आफूलार्ई अग्रस्थानमा राख्न सफल भएको छ ।
© Copyright narimag.com.np |