‘शिल्पाञ्जलि’ प्रदर्शन
काठमाडौंस्थित नेपाल आर्ट काउन्सिलमा हालै सपना खरेलको ‘शिल्पाञ्जलि’ कला प्रदर्शनी भयो । प्रदर्शनीमा उनले जापानी शैलीअनुसार पुष्प सजावट गर्ने कला प्रस्तुत गरिन् । प्रदर्शनीमा‘ओसिबाना’ र ‘चिगिरी–ई’ अन्तर्गतका कला राखिएको थियो ।

कलाकार एरिना ताम्राकार महिलाहरूलाई आफ्ना कलामा उतार्ने सफल कलाकारका रूपमा परिचित छिन् । उनको तेस्रो आँखा शीर्षकको यो चित्रमा महिलाहरूको शक्ति तथा आत्मबल प्रतिबिम्बित छ । रातो रंगलाई मुख्य रंगका रूपमा प्रयोग गरिएको यो चित्रमा ५ जना महिलाको मुखाकृति कोरिएको छ । सबै मुखाकृतिको निधारमा तेस्रो आँखा राखिएको छ । यो चित्रले महिलामा हुने माया, प्रेम, जोस, इमान्दारिता एवं समर्पणको भावलाई सांकेतिक रूपमा प्रस्तुत गरेको छ ।