हिमालयन आर्ट फेस्टिभलमा ८० कलाकारका सिर्जना
बबरमहलस्थित नेपाल आर्ट काउन्सिलमा हिमालयन आर्ट फेस्टिभलको आज अन्तिम दिन हो । आर्ट फेस्टिभल सात दिनसम्म चलेको थियो । फेस्टिभलमा ८० भन्दा बढी कलाकारको १ सय भन्दा बढी सिर्जना राखिएको थियो ।
७९ वर्षिय गायक प्रेमध्वज प्रधानको बीएण्डबीमा न्यूरो सर्जन डा. प्रविण श्रेष्ठले अप्रेशन गरेका छन् । २ महिनाअघि टाउकोमा पानी र रगत मिसिएको देखिएपछि तत्कालै हस्पिटलमा भर्ना गरि सब डराल हेमोटोमाको अप्रेशन गरिएको थियो । तर फेरि उनको टाउकोबाट त्यस्तै पीप देखिन थालेपछि अमेरिकावाट ठूलो छोरा गायक प्रशन्नध्वज प्रधानले डा. प्रविण श्रेष्ठ सल्लाह गरेर पुन: अप्रेशन गराएका हुन् । ब्रेनसम्बन्धी यस्ता रोग लागेकाहरु हेर्दा ठीकजस्तो देखिए पनि समयमै यसको जानकारी नभए धेरै डरलाग्दो हुनसक्छ । यो रोग लाग्दा बोलाइ, हिँडाइ लरबरिने, टाउको दुख्ने आदि लक्षण देखा पर्छन् । उनी अहिले अप्रेशनपछि आइसीयूमा छन् । गायक प्रधानले गाएका घुम्तीमा नआऊ है, माया नमार मायालु, पर लैजाऊ फूलहरु, तारा मात्रै हैन तिमीलाई, तोरी फुल्यो, हाँस्ने रहरहरू, नमान लाज यसरी, पल पल चुमेर, तिमीलाई अचेल कहाँ भेटुँ जस्ता गीत आज पनि उत्तिकै लोकप्रिय छन् ।
आममहिलालाई लक्षित गरी महिलाको विषयवस्तु सम्बन्धित म्यागेजिनको संख्या न्यून रहेको अवस्थामा नारी मासिकको परिकल्पना गरिएको हो । कान्तिपुर पब्लिकेसन्सको सह–प्रकाशन नारी मासिकले महिलाका विविध आयामलार्ई समेट्दै आएको छ ।महिलाका विषयवस्तुमा प्रकाशित म्यागेजिनको संख्या न्यून रहेको अवस्थामा यसले महिलाका विभिन्न विषयलार्ई समेट्दै आफूलार्ई अग्रस्थानमा राख्न सफल भएको छ ।
© Copyright narimag.com.np |