प्रदर्शनीमा सजावट सामग्री
काठमाडौंमा हालै घरायसी सजावटका सामग्रीहरूको प्रदर्शनी सम्पन्न भयो । बबरमहलस्थित सिद्धार्थ आर्ट ग्यालरीमा आयोजित प्रदर्शनीमा परालका गुन्द्री र मकैका खोस्टाका चकटीलगायतका सामग्री राखिएको थियो ।
भृकुटीमण्डपमा जारी आठौं संस्करणको ‘फर्निचर तथा फर्निसिङ एक्सपो’ सम्पन्न भएको छ । एक्सपोमा चाडपर्वमा लक्षित सामग्रीहरू विभिन्न अफरमा राखिएको थियो । भदौ २३ गतेदेखि २७ गतेसम्म एक्सपो चलेको थियो ।
नेपाल फर्निचर तथा फर्निसिङ संघको आयोजना तथा इभेन्ट सोलुसन प्रा.लिको व्यवस्थापनमा जारी एक्सपोलाई प्रेस्टिज कार्पेटले शीर्ष प्रायोजन गरेको थियो भने हलेसी डेकोर, भिबोन इकोनोमिक चेयर, जेन्सा कार्पेट, युनाइटेड फोम एन्ड म्याट्रेसले मुख्य प्रायोजन गरेका थिए । एक्सपोमा स्वदेशी तथा विदेशी गरी सयभन्दा बढी प्रदर्शकहरूको सहभागिता रहेको थियो । किचन, बेडरुम, बाथरुमका साथै आउटडोर फर्निचर, इन्टेरियर डिजाइनर, कार्पेट, मार्बललगायत कार्पेट, पर्दा, म्याट्रेस, डेकोरेसन सामग्री, होम डेकोर, अफिस फर्निचर, होम अप्लाइन्सेज, मेसिनरी औजारका साथै वास्तुसँग सम्बन्धित सेवा पनि एक्स्पोमा रहेका थिए ।
एक्स्पोको अवसरमा शुक्रबार र शनिबार प्रदर्शनीस्थलमा नेपाल फर्निचर तथा फर्निसिङ व्यवसायी महासंघ तथा लायन्स क्लब अफ काठमाडौं सेन्ट्रलसँगको सहकार्यमा रक्तदान कार्यक्रमसमेत सञ्चालन गरिएको थियो ।
आममहिलालाई लक्षित गरी महिलाको विषयवस्तु सम्बन्धित म्यागेजिनको संख्या न्यून रहेको अवस्थामा नारी मासिकको परिकल्पना गरिएको हो । कान्तिपुर पब्लिकेसन्सको सह–प्रकाशन नारी मासिकले महिलाका विविध आयामलार्ई समेट्दै आएको छ ।महिलाका विषयवस्तुमा प्रकाशित म्यागेजिनको संख्या न्यून रहेको अवस्थामा यसले महिलाका विभिन्न विषयलार्ई समेट्दै आफूलार्ई अग्रस्थानमा राख्न सफल भएको छ ।
© Copyright narimag.com.np |