अलग अध्याय
सदियौंदेखि पितृसत्ता हाबी भएको नेपाली समाजमा महिलाको खुसी र स्वतन्त्रताले कम अर्थ राख्छ वा प्राथमिकतामा पर्दैन । तर पछिल्लो समय कतिपय आत्मनिर्भर महिलाले यस विषयलाई जीवनको मूल मन्त्र बनाएर साहसका साथ अघि बढेको देखिन्छ ।
सर्वोच्च अदालतकी न्यायाधीश सपना प्रधान मल्लले महिलाहरुको लडाइँ पुरुषविरुद्ध नभइ पितृसत्ताविरुद्ध भएको बताएकी छिन् । बुधबार नारी मासिकले आयोजना गरेको 'निर्भीक नारी' कार्यक्रममा बोल्दै उनले न्यायिक प्रक्रियामा आत्सम्मानको गोपनीयताको संरक्षण गरेको भएपनि प्रभावकारी र उत्तरदायी न्यायमा पहुँचको सुनिश्चितता कसरी गर्ने चुनौती रहेको बताइन् ।
उनका अनुसार यसका लगि समन्वय गर्न र 'चेन अफ जस्टिस' आवश्यक छ । पीडितको आत्मविश्वास बढाउन यो आवश्यक रहेको पनि उनले बताइन् । न्यायाधीश मल्लले विभेद यत्रतत्र रहेकाले त्यसलाई चिर्दै महिलाहरू अगाडि बढ्नुपर्ने बाध्यता रहेको बताइन् ।
'कसरी रोक्ने विभेद? यसका बारेमा विभेद के हो भनेर बुझ्नुपर्छ । एउटा अधिकारमा क्षति पुर्याउनु अनि फरक व्यवहार पनि हो विभेद । बहिष्करण पनि विभेद हो,' उनको भनाइ छ । मानसिक स्वास्थ्य र प्रजनन अधिकारलाई पनि सुनिश्चतता गर्नुपर्ने उनको भनाइ छ ।
९० प्रतिशत साइबर क्राइम महिलामाथि हुने गरेको तथ्यांकले देखाएको बताउँदै प्रविधिमाथि महिलाको पहुँच बढाउन आवश्यक भएको तर सर्तकता अपनाउन जरुरी रहेको उनले बताइन् ।
यसपालिको जनगणानाले घरधन्दामा ६.६ प्रतिशत पुरुष संलग्न देखाएले पनि सेयरिङ र रेसपोन्सिबिलिटी देखिएको र त्यो बढ्नुपर्ने न्यायाधीश मल्लको भनाइ छ।
आममहिलालाई लक्षित गरी महिलाको विषयवस्तु सम्बन्धित म्यागेजिनको संख्या न्यून रहेको अवस्थामा नारी मासिकको परिकल्पना गरिएको हो । कान्तिपुर पब्लिकेसन्सको सह–प्रकाशन नारी मासिकले महिलाका विविध आयामलार्ई समेट्दै आएको छ ।महिलाका विषयवस्तुमा प्रकाशित म्यागेजिनको संख्या न्यून रहेको अवस्थामा यसले महिलाका विभिन्न विषयलार्ई समेट्दै आफूलार्ई अग्रस्थानमा राख्न सफल भएको छ ।
© Copyright narimag.com.np |