प्रतिभा प्रस्तुत गर्दै मिस नेवाः ११४५ का प्रतिस्पर्धी
नेप्लीज फेसन होमले आयोजना गरिरहेको १८औं संस्करणको मिस नेवाः ११४५ का २० जना प्रतिस्पर्धिहरुले राजधानीमा आयोजित ट्यालेन्ट शो कार्यक्रममा आफ्नो प्रतिभा प्रस्तुत गरेका थिए ।
क्याम्बोडियाको नोम पेन्हस्थित कोह पिच थिएटरमा सम्पन्न अन्तर्राष्ट्रिय सौन्दर्य प्रतियोगिता ‘मिस प्लानेट इन्टरनेसनल २०२४’ को फाइनल प्रतिस्पर्धामा नेपालका तर्फबाट सहभागी अनिशा पराजुलीले ‘मिस ह्युमानिटी अवार्ड’ जित्न सफल भएकी छन् ।
पेसाले मानसिक स्वास्थ्य नर्स अनिशा हाल वीर नर्सिङ क्याम्पसमा स्नातकोत्तर अध्ययन गरिरहेकी छन् । यसअघि उनले काठमाडौंमा नेक्स्ट मोडल्स नेपालद्वारा आयोजना गरिएको नर्सिङ पेसामा समर्पित प्रतियोगिता मिस नेपाल पिसमा फस्ट रनर अप उपाधि जितेकी थिइन् । यही उपलब्धिले अनिशालाई मिस प्लानेट नेपाल २०२४ का रूपमा प्रस्तुत गरेसँगै उनले मिस प्लानेट इन्टरनेसनल २०२४ मा नेपालको तर्फबाट सहभागी हुने अवसर प्राप्त गरेकी हुन् । त्यो प्रतियोगितामा सहभागी हुनुअघि अनिशाले संचारकर्मी तथा फेसन कोरियोग्राफर रोजिन शाक्यबाट अभिमुखीकरण तथा प्रशिक्षण प्राप्त गरेकी थिइन् ।
मिस प्लानेट इन्टरनेसनल २०२४ उपाधि विजेताको ताज भने यूएईकी माहरा लुट्फीले पहिरिइन् भने इन्डोनेसियाकी ओला लेभिनालाई एन्जल प्लानेट इन्टरनेसनल २०२४ का रूपमा चयन गरिएको थियो । मिस प्लानेट इन्टरनेसनल सौन्दर्य प्रतियोगिता संयुक्त राष्ट्रसंघको दिगो विकास लक्ष्य प्रगतिलाई अघि बढाउन समर्पित अभियान हो ।
आममहिलालाई लक्षित गरी महिलाको विषयवस्तु सम्बन्धित म्यागेजिनको संख्या न्यून रहेको अवस्थामा नारी मासिकको परिकल्पना गरिएको हो । कान्तिपुर पब्लिकेसन्सको सह–प्रकाशन नारी मासिकले महिलाका विविध आयामलार्ई समेट्दै आएको छ ।महिलाका विषयवस्तुमा प्रकाशित म्यागेजिनको संख्या न्यून रहेको अवस्थामा यसले महिलाका विभिन्न विषयलार्ई समेट्दै आफूलार्ई अग्रस्थानमा राख्न सफल भएको छ ।
© Copyright narimag.com.np |