फिल्म अगस्त्य च्याप्टर १ को गीत सार्वजनिक (भिडियो सहित)
ओएसआर डिजिटलबाट सार्वजनिक गरिएको गीतमा एसडी योगी र विज्ञानी पराजुलीको स्वर रहेको छ ।
नेपालको प्रतिनिधित्व गर्दै बिनु लामिछाने मिसेस युनिभर्स–२०१९ मा सहभागी हुने भएकी छिन् । २९ डिसेम्बरमा सम्पन्न हुने उक्त सुन्दरी प्रतियोगितामा ९० देशका विवाहित महिलाहरू सहभागी हुँदैछन् । २२ देखि २९ डिसेम्बरसम्म चीनमा हुने मिसेस युनिभर्समा उनले नेपालको प्रतिनिधित्व गर्ने भएकी हुन् ।
विवाहित नेपाली महिलाले पनि अन्तर्राष्ट्रिय स्तरमा आफ्नो पहिचान बनाउन सक्ने र घरेलु हिंसाविरुद्धको अभियानका लागि पनि यस सुन्दरी प्रतियोगितामा आफू सहभागी भएको उनले बताइन् ।
नेपालमा ओम अस्पतालमा नर्सिङ पढेकी उनी सन् २००९ देखि लन्डन बस्दै आएकी छिन् । प्रवासमा रहेर पनि नेपालको प्रतिनिधित्व गर्न पाएकोमा आफू निकै उत्साहित भएको र प्रतिस्पर्धामा चाहिने तयारीका लागि आफू कडा मेहनत गरिरहेको उनले बताइन् ।
साथै उनले सम्पूर्ण नेपालीहरूलाई मिसेस युनिभर्सको अफिसियल इन्स्टाग्राम पेजमा गएर भोटका लागि अपिल गरेकी छिन् । सामाजिक सञ्जालमा पाएको भोटिङका आधारमा पब्लिक च्वाइस अवार्ड जिताउन मद्दत गर्नेछ ।
आममहिलालाई लक्षित गरी महिलाको विषयवस्तु सम्बन्धित म्यागेजिनको संख्या न्यून रहेको अवस्थामा नारी मासिकको परिकल्पना गरिएको हो । कान्तिपुर पब्लिकेसन्सको सह–प्रकाशन नारी मासिकले महिलाका विविध आयामलार्ई समेट्दै आएको छ ।महिलाका विषयवस्तुमा प्रकाशित म्यागेजिनको संख्या न्यून रहेको अवस्थामा यसले महिलाका विभिन्न विषयलार्ई समेट्दै आफूलार्ई अग्रस्थानमा राख्न सफल भएको छ ।
© Copyright narimag.com.np |