सुन्दरताका लागि प्रविधि
सौन्दर्य वृद्धिका लागि नयाँ–नयाँ प्रविधि र उपचार विधि थपिनुले पनि यसमा महत्वपूर्ण भूमिका निर्वाह गरिरहेको छ । यी प्रविधि, उपकरण र उपचार महँगो भएपनि आफूलाई सधै तन्नेरी बनाउने चाहना राख्नेहरू बर्सेनि बढेकै छन् ।
नारी सौन्दर्यका लागि मेकअप जरुरी हुन्छ । यसले सौन्दर्यमा निखारता ल्याउँछ । सबैभन्दा पहिले अनुहारमा भएको फोहोर क्लिनर र फेसवासले सफा गर्नुपर्छ । फेसवास नभए सफा पानीले पनि अनुहार धुन सकिन्छ । त्यसपछि अनुहारमा टोनर लगाउनुपर्छ । यसले अनुहारको छालामा भएको खुल्ला छिद्रलाई बन्द गर्छ । त्यसपछि मोस्चराइजर क्रिम लगाएर दुई मिनेट त्यत्तिकै छाड्नुपर्छ । त्यसपछि सनस्क्रिन लगाएर आइब्रोको सेप मिलाउनुपर्छ । यसका लागि आइब्रो पेन्सिल र पावर प्रयोग गरेर हल्का डार्क बनाउनुपर्छ ।
क्रिम सेट अब्जर्ब भइसकेपछि प्राइमर लगाउनुपर्छ । आफ्नो स्किन कलरलाई सुहाउने फाउन्डेसन पनि आवश्यक हुन्छ । तैलीय छाला हुनेले म्याट बेस र सुक्खा छाला हुनेले ओयली बेस भएको फाउन्डेसन स्पन्ज–ब्रसको सहायताले लगाउनुपर्छ । फाउन्डेसन सेट भइसकेपछि गालामा ब्रसले तलबाट माथि हल्का पिंक कलर ब्लसर लगाउनुपर्छ । सारीको रङअनुसार म्याच गर्न सके उत्तम हुन्छ । त्यसपछि आइलाइनर र गाजल लगाउन सकिन्छ । अन्त्यमा टीका र लिपिस्टिकले सौन्दर्यमा निखार ल्याउँछ । चाडपर्व, पार्टीलगायतका कार्यक्रममा पनि यसरी नै मेकअप गर्न सकिन्छ ।
अमिका महत, सौन्दर्यविद्
आममहिलालाई लक्षित गरी महिलाको विषयवस्तु सम्बन्धित म्यागेजिनको संख्या न्यून रहेको अवस्थामा नारी मासिकको परिकल्पना गरिएको हो । कान्तिपुर पब्लिकेसन्सको सह–प्रकाशन नारी मासिकले महिलाका विविध आयामलार्ई समेट्दै आएको छ ।महिलाका विषयवस्तुमा प्रकाशित म्यागेजिनको संख्या न्यून रहेको अवस्थामा यसले महिलाका विभिन्न विषयलार्ई समेट्दै आफूलार्ई अग्रस्थानमा राख्न सफल भएको छ ।
© Copyright narimag.com.np |