- जैतुनको तेल मनतातो पारेर मसाज गर्ने ।
- नरिवलको तेलमा स-साना प्याज २० मिनेटजति उमालेर केशमा लगाउने ।
- चौलानीले केश पखाल्ने ।
- बदाम रोगन तेलले केशको जरामा राम्रोसँग मसाज गर्ने ।
- जैतुनको तेललाई कागतीको रस तथा नरिवलको तेलमा मिसाएर जरामा लगाई मसाज गर्ने । १५ मिनेटपछि हट टाबेल स्टिम दिएर कम रसायन भएको स्याम्पुले केश पखाल्ने ।
- केश छोटो छ भने मेथीलाई बाक्लोसँग पिसेर तोरीको दानामा मिक्स गरी स्क्रब बनाउने र १५ मिनेट बिस्तारै केशमा दल्ने अनि मनतातो पानीले पखाल्ने ।
- तोरीको तेलमा कपूर मिसाएर तताउने । उक्त तेलले टाउकोमा १० मिनेटसम्म मसाज गर्ने । ३० मिनेटपछि हट टाबेल दिएर हर्बल स्याम्पुले केश पखाल्ने ।
चायाँ
केशमा एकपटक चायाँ आएपछि जान धेरै कठिन हुन्छ । चायाँ आउने अनेकौं कारण हुन्छन् ।
- हार्मोनको कमी ।
- एलर्जी वा सस्तो कलर ।
- तनाव एवं निद्रा नपुगेको अवस्था ।
- केश सुख्खा हुनु ।
- चिसो मौसम वा एकदम गर्मी ।
- यो समस्यामा मुल्तानी माटोको प्रयोग पनि फाइदाजनक हुन्छ ।
- हप्तामा दुईपटक नरिवल तेलले मालिस गरेर मनतातो पानीले पखाल्दा पनि चायाँबाट राहत मिल्छ ।
- मुल्तानी माटोको प्रयोग पहिले अलिभ ओयल वा नरिवलको तेलले सुत्नुभन्दा एक-दुई घन्टा पहिले केशको जरामा राम्रोसँग लगाउने र मसाज गर्ने । त्यसपछि मुल्तानी माटो पानीमा घोलेर प्याक बनाएर लगाउने । १०-२० मिनेटपछि पखाल्ने ।
- अण्डाको सेतो भाग र कागतीको रस मिसाएर केशको जरामा प्रयोग गरी १०-२० मिनेटपछि हट टाबेलले स्टिम दिई ३ मिनेटपछि पखाल्ने ।
- केशलाई दिनमा एकपटक स्याम्पु गर्नुपर्छ ।
- केश र्झने समस्याको रोकथाम
- आजभोलि केश झर्ने समस्या सबैमा छ । यसलाई केही हदसम्म रोक्न सकिन्छ ।
- सकेसम्म धेरै पानी पिउने ।
- खानामा भिटामिन बी, प्रोटिन अनि आइरनयुक्त तरकारी खाने ।
- औंलाले आफ्नो केशको जरामा मसाज गर्ने ।
- केशमा सधैं काइँयो प्रयोग गर्ने । केश लामो र बाक्लो छ भने ब्रस प्रयोग गर्ने । हेयर ड्राई कम प्रयोग गर्ने ।
- केशलाई तातोपानीले सकेसम्म कम धुने ।
- अमोनिया फ्री वा राम्रो ब्रान्डको कलर प्रयोग गर्ने । आफ्नो केशको टेक्स हेरेर वा जानकार हेयर ड्रेसरसँग सल्लाह लिएर मात्र कलर प्रयोग गर्ने ।
केश र्झन रोक्ने घरेलु उपाय
- अमलालाई नरिवलको तेलमा उमालेर मनतातो बनाई केशको जरामा राम्रोसँग लगाएर मसाज गर्ने ।
- अमला र कागतीको रस मिसाई केशको जरामा लगाउने । यसो गर्दा केश लामो एवं चम्किलो देखिनुका साथै चायाँमुक्त पनि रहन्छ ।
- जैतुनको तेलमा कागतीको रस मिसाएर वा हरियो धनियाँको रसलाई मसिनो प्याक बनाएर लगाउन सकिन्छ ।
- तोरीको तेलमा मेहन्दी उमालेर लगाउन सकिन्छ । नरिवलको जुस पिउँदा पनि फाइदा हुन्छ ।
- उमालेको कालो दाल र मेथी पाउडरको प्याक लगाउन सकिन्छ ।
- कुनै-कुनै ठाउँमा केश झरेर खुइलिएको छ भने कागतीको बीउ तथा कालो खुर्सानीको पेस्ट बनाएर जहाँ केश छैन त्यस ठाउँमा लगाउन सकिन्छ अथवा अदुवाको रस लगाएर पनि केश र्झन कम गर्न सकिन्छ ।
केशको हेरचाह
- कडा घामले केशमा सीधा असर गर्छ । गर्मीमा घामबाट बच्न स्कार्फ प्रयोग गर्नुपर्छ तर स्कार्फलाई कसेर बाँध्नुहुँदैन ।
- प्रशस्त पानी पिउनुपर्छ ।
- हट ड्राई गर्नुहुँदैन ।
- तातोपानीले केश धुनुहुँदैन ।
- बढी अमोनिया भएको कलर प्रयोग गर्नुहुँदैन ।
- स्टाइलर प्रोडक्ट प्रयोग गर्नुहुँदैन ।
- स्याम्पुपछि कन्डिसनर लगाउनुपर्छ ।
- चिसो केशमा हेयर कोट लगाउनुपर्छ ।
- १-२ महिनामा हेयर टि्रटमेन्ट गराउनुपर्छ । केशमा कलर छ वा केश ड्राई छ भने हेयर मास्कको प्रयोग वा हेयर स्पा गर्नुपर्छ ।
- केश तैलीय छ भने ओयल मसाज गर्नुहुँदैन । त्यसो गरे अनुहारमा डन्डिफोर आउनसक्छ ।
- केश तैलीय छ भने नुहाउनुभन्दा आधा घन्टा पहिले तेल लगाएर स्याम्पु गर्न सकिन्छ ।
- ६-८ महिनामा एकपटक हेयर टि्रम गर्नुपर्छ ।
हार्मोन सन्तुलित राख्न
- महिलाहरूमा हार्मोनको असन्तुलनका कारण बढी मात्रामा केश र्झछ ।
- गर्भावस्थामा पनि केश र्झछ ।
- थाइराइडको समस्याले पनि केश र्झछ ।
- महिलाहरूको हार्मोन सन्तुलित छ भने केश झर्दैन । केशको समस्या बढी नै भए चिकित्सकलाई देखाउनुपर्छ ।
- सदैव प्रसन्न रहनुपर्छ ।
केश रंग्याउँदा सावधानी
केशमा कलर गर्नुभन्दा पहिले कुन र कति समयका लागि कलर गर्ने हो स्पष्ट हुनुपर्छ । बजारमा धेरै थरिका कलर पाइन्छन् जसमध्ये कतिपयले केशलाई फाइदा गर्छन् भने कतिपयले हानी पनि पुर्याउन सक्छन् ।
- कलर गर्नुभन्दा पहिले स्याम्पु गर्नुपर्छ ।
- केश ड्राई, ड्यामेज छ वा पहिल्यै अन्य कलर गरिएको छ भने हेयर स्पा गरेर मात्र कलर गर्नुपर्छ ।
- बजारमा अहिले तीन प्रकारको कलर पाइन्छ । एउटा एक कोट कलर गरी १-२ दिनसम्म बस्ने जुन स्याम्पु गर्नेबित्तिकै जाने हुन्छ ।
- दोस्रो सेमी परमानेन्ट जुन केही महिना रहन्छ ।
- तेस्रो परमानेन्ट कलर जुन लामो समयसम्म रहन्छ ।
सुझाव : कलर गर्नुभन्दा पहिले दक्ष ब्युटिसियनसँग सल्लाह लिनुपर्छ ।
कन्डिसनर कसरी गर्ने ?
- स्याम्पु गरिसकेपछि केशबाट राम्रोसँग पानी निकाल्नुपर्छ ।
- त्यसपछि आफ्नो बाक्लो काइँयोले केश कोर्नुपर्छ अनि बिस्तारै केशमा कन्डिसनर लगाएर मसाज गर्नुपर्छ तर कन्डिसनर जरामा लगाउनुहुँदैन ।
- केश ड्यामेज छ भने प्रोटिन कन्डिसनर प्रयोग गर्नुपर्छ ।
- ड्राई हेयर छ भने मोस्चराइज्ड कन्डिसनर लगाउनुपर्छ ।
- केश तैलीय छ भने कुनै पनि ननओयली कन्डिसनर लगाउन सकिन्छ । केशलाई कन्डिसनरले अनुहारमा मोस्चराइरले जस्तै सुरक्षा प्रदान गर्छ, त्यसैले गर्मीमा सबै खालको केशमा कन्डिसनर गर्नुपर्छ ।
केशअनुसार स्याम्पु
केशको क्वालिटी बाक्लो, स्ट्रेट, सानो, ठूलो, पातलो, तैलीय आदि जे-जस्तो भए पनि सबैजना आफ्नो केश राम्रो बनाउन चाहन्छन् ।
स्याम्पुको काम केशलाई सफा गर्ने, फोहोर निकालेर चम्किलो बनाउने हो तर केशको क्वालिटीअनुसार स्याम्पु प्रयोग गर्नुपर्छ । एग स्याम्पु रुखो वा फ्रिजी हेयरका लागि उपयुक्त हुन्छ । स्याम्पुमा अल्कोहल हुनुहुँदैन किनभने यसले केशलाई अझ सुख्खा र रुखो बनाउँछ ।
स्याम्पुमा नरिवल वा जैतुनको तेल मिसाउन सकिन्छ ।
ओयली हेयरमा माइल्ड स्याम्पु प्रयोग गर्नुपर्छ तर बढी स्क्रब गर्नुहुँदैन । यसलाई मनतातो पानीले मात्र पखाल्नुपर्छ । केश बढी नै ओयली छ भने कागतीको रस पानीमा मिसाएर पखाल्नुपर्छ ।
यस्तो खालको केशमा प्याथोनोलयुक्त स्याम्पु प्रयोग गर्न सकिन्छ ।
आममहिलालाई लक्षित गरी महिलाको विषयवस्तु सम्बन्धित म्यागेजिनको संख्या न्यून रहेको अवस्थामा नारी मासिकको परिकल्पना गरिएको हो । कान्तिपुर पब्लिकेसन्सको सह–प्रकाशन नारी मासिकले महिलाका विविध आयामलार्ई समेट्दै आएको छ ।महिलाका विषयवस्तुमा प्रकाशित म्यागेजिनको संख्या न्यून रहेको अवस्थामा यसले महिलाका विभिन्न विषयलार्ई समेट्दै आफूलार्ई अग्रस्थानमा राख्न सफल भएको छ ।
© Copyright narimag.com.np |
