आर्याको सहभागीता
जापानको आशोका शहरमा सञ्चालन हुने एक सौन्दर्य प्रतियोगितामा आर्या सिंह राजवंशीले सहभागिता जनाउने भएकी छिन् । यहि सेप्टेम्बर ८ देखि १७ सम्म सञ्चालन हुने उक्त प्रतियोगितामा १६ वर्षिया आर्याले नेपालको प्रतिनिधित्व गर्ने छिन् ।
बेलायतमा सम्पन्न मिस इंग्ल्यान्ड शीर्षकको सौन्दर्य प्रतियोगितामा नेपाली मूलकी प्रतिष्ठा राउत सेकेन्ड रनरअप भइन् । २० हजार आवेदनबाट उनी फाइनलसम्म पुग्न सफल भएकी हुन् ।
टप–२० सम्मको यात्रा तय गर्ने आशा राखेकी प्रतिष्ठा भन्छिन्, ‘मेरा लागि यो अनपेक्षित थियो ।’ प्रत्येक वर्ष भाग लिइरहेका प्रतिस्पर्धीहरूका अगाडि उनी नयाँ थिइन् । उनी भन्छिन्, ‘सवैजना अनुभवी थिए । कुन राउन्डमा के गर्ने कसरी गर्ने भन्ने उनीहरूसँग अनुभव थियो ।’
टप–३ सम्म आइपुग्दा उनलाई एकदमै खुसी लागेको बताउँछिन् । उनले च्यारिटीका लागि सबैभन्दा धेरै पैसा संकलन गरेकी थिइन् । यसका लागि उनलाई च्यारिटी क्विनको उपाधि दिइएको थियो । त्यसका साथै उनले ‘ब्युटी अफ द प्रपोज’ को समेत उपाधि जितेकी थिइन् ।
२६ वर्षीया प्रतिष्ठा हङकङमा जन्मिएकी हुन् । उनी ५ वर्षको उमेरदेखि परिवारसँग बेलायतमा बस्दै आएकी छिन् । उनका बुवा बेलायती गोर्खा सैनिक हुन् । १६ वर्षको उमेरदेखि नै मोडलिङमा लागेकी प्रतिष्ठा पेसाले आर्किटेक हुन् ।
आममहिलालाई लक्षित गरी महिलाको विषयवस्तु सम्बन्धित म्यागेजिनको संख्या न्यून रहेको अवस्थामा नारी मासिकको परिकल्पना गरिएको हो । कान्तिपुर पब्लिकेसन्सको सह–प्रकाशन नारी मासिकले महिलाका विविध आयामलार्ई समेट्दै आएको छ ।महिलाका विषयवस्तुमा प्रकाशित म्यागेजिनको संख्या न्यून रहेको अवस्थामा यसले महिलाका विभिन्न विषयलार्ई समेट्दै आफूलार्ई अग्रस्थानमा राख्न सफल भएको छ ।
© Copyright narimag.com.np |