अहिले नेपाली चलचित्र क्षेत्रमा प्रियंका कार्की, केकी अधिकारी, नम्रता श्रेष्ठ, रेखा थापा, ऋचा शर्मा, करिश्मा मानन्धर, गरिमा पन्त आदि नायिकाहरूको वर्चस्व छ । उनीहरू मिडियामा छाइरहने अनुहार पनि हुन् । त्यसपछि नन्दिता केसी, नीता ढुंगाना, असिष्मा नकर्मी, शिल्पा पोखरेल, अनु शाह, बेनिसा हमाल आदिको नाम आउ“छ । यसबीच अन्य थुप्रै नया“ नायिका चलचित्र क्षेत्रमा देखा परे तर पनि चलचित्रमा ती नायिकाको निरन्तरता देखिएन ।

चलचित्र क्षेत्रमा प्रवेश गरेका नायिकाहरू चलचित्रमै आफ्नो करियर बनाउने सोच र सपनाका साथ यो नगरीमा प्रवेश गरेका हुन्छन् । उनीहरूमा कसरी धेरैभन्दा धेरै चलचित्रमा अभिनय गर्ने र टिक्ने भन्ने सोच हुन्थ्यो । यद्यपि अहिलेका नवनायिकाहरू मोडलिङमा लागेर ¥याम्पमा हि“ड्ने, दुई–चार वटा म्युजिक भिडियोमा काम गर्ने अनि एक–दुईवटा चलचित्रमा देखा पर्ने, त्यसपछि कि त पढाइका लागि विदेश जाने कि एनआरएन फेला पारेर विवाह गर्ने चक्करमा हुन्छन् । 

नेपाली चलचित्रमा अहिले पनि थुप्रै नायिका डेब्यु गर्दैछन् । नाइ“ नभन्नु ल–४ वाट वर्षा राउत र आ“चल शर्माले डेब्यु गर्दैछन् । चलचित्र प्रदर्शन हुनुअघि नै वर्षा राउत म्युजिक भिडियोमार्फत परिचित छिन् भने आ“चलको भविष्य पनि धेरैले राम्रो देखेका छन् । मोडलिङबाटै करियर प्रारम्भ गरेकी सम्राज्ञी राज्यलक्ष्मी शाहले भुवन केसीले निर्देशन गरेको ड्रिम्समार्फत डेब्यु गरिन् । यही चलचित्रबाट भिजे सन्ध्या केसीले पनि डेब्यु गरेकी छिन् जसमा उनको अतिथि भूमिका छ । नोभेम्बर रेनबाट चलचित्रमा देखा परेकी छुल्ठिमले त्यसबाट थुपै्र अवार्ड पनि पाइन् । अरु चलचित्रमा देखा नपर्ने उनको सोचमा परिवर्तन आएको छ र चलचित्रमा उनको भविष्य राम्रो पनि छ ।

जेरीबाट चलचित्रमा आएकी आना शर्मा भने चलचित्रलाई निरन्तरता दिनेभन्दा राम्रो अफर आयो भने मात्र काम गर्ने ध्याउन्नमा छिन् । वानवेबाट यो क्षेत्रमा आएकी माला लिम्बूले पनि चलचित्रलाई निरन्तरता दि“दैछिन् । अभिनय, गेटअप र स्टाइलले गर्दा पनि धेरैको आ“खा लिम्बूमा छ । मिस नेपाल मलिना जोशीले ऋतुमार्फत आफूलाई चिनाएकी छिन् तर उनी विदेशमा हुने कार्यक्रममै व्यस्त छिन् भने मिस नेपाल सृष्टि श्रेष्ठले गाजलुमार्फत चलचित्रमा डेब्यु गर्दैछिन् । सृष्टि नेपाली तथा भारतीय म्युजिक भिडियोमा समेत देखा परिसकेकी छिन् । 

सृष्टि श्रेष्ठ :   मिस नेपाल २०१३ सृष्टि श्रेष्ठ गाजलुमार्फत डेब्यु गर्दैछिन् । नेपाली चलचित्रमा आफ्नो बलियो पकड बनाउने प्रयासस्वरूप उनले रंगकर्मी सुनील पोखरेलस“ग अभिनय क्लास लिएकी छिन् । बेलायतमा हाई स्कुल पढ्दा त्यहा“का नाटकहरूमा अभिनय गर्ने सृष्टिलाई सानैदेखि चलचित्रमा अभिनय गर्ने रुचि थियो । नेपाली चलचित्रमा नया“ आइडिया, युवापुस्ताको रुचि, नौलो टेक्नोलोजी एवं प्रस्तुतिका कारण नै सृष्टिको रुचि यसमा बढेको हो । अभिनय सिकेर आएकी सृष्टिबाट चलचित्र क्षेत्रले ठूलो आशा गरेको छ ।  

वर्षा राउत :  ३ वर्षदेखि म्युजिक भिडियोमार्फत दर्शकमाझ देखा परिरहेकी वर्षा राउत नाइ“ नभन्नु ल–४ मार्फत नायिकाका रूपमा डेब्यु गर्दैछिन् । हुन त उनलाई अरू चलचित्रबाट अफर नआएका होइनन् तर अध्ययनका लागि समय दिनुपर्ने बाध्यताका कारण पनि उनी चलचित्रमा त्यति देखिएकी छैनन् । थोरै समयमा सुटिङ सक्ने र छिट्टै रिजल्ट पनि आउने भएकाले उनलाई म्युजिक भिडियोप्रति रुचि छ । नाइ“ नभन्नु ल–४ मा अभिनय गरेपछि उनमा चलचित्रप्रतिको रुचि बढेको छ । अभिनय कला हेर्दा वर्षालाई राम्रो भविष्य भएकी नायिका मान्न सकिन्छ । 

छुल्ठिम गुरुङ : आरजे, भिजे, म्युजिक भिडियो, कार्यक्रम होस्ट हु“दै नोभेम्बर रेनमा सह–नायिकाका रूपमा देखा परेकी छुल्ठिम गुरुङ यही चलचित्रबाटै सबैका नजरमा परेकी छिन् । उनले उक्त चलचित्रमार्फत थुप्रै अवार्ड पनि प्राप्त गरेकी छिन् । छुल्ठिम नया“ गेटअप तथा फरक परिवेश बोकेका पात्रसहित दर्शकमाझ आउने तयारीमा छिन् ।  उनको स्वभाव सबैस“ग घुलमिल हुने खालको छ । छुल्ठिम चलचित्र क्षेत्रमा सम्भावना बोकेकी नायिकामा पर्छिन् ।  

सम्राज्ञी राज्यलक्ष्मी शाह : क्लासिक डायमण्डको फेस अफ क्लासिकमा भाग लिएपछि सम्राज्ञीको मोडलिङ यात्राले निरन्तरता पाएको हो । मोडलिङमा लाग्नुअघि नै चलचित्रबाट अफर आए पनि राम्रो अफर कुरेर बसेकी शाहले भुवन केसीले निर्देशन गरेको ड्रिम्समार्फत डेब्यु गर्न पाइन् । अभिनय एवं स्टाइलले गर्दा शाह सम्भावनायुक्त नायिका मानिन्छिन् । 

माला लिम्बू : सिंगापुरमा जन्मिएकी माला लिम्बूलाई पनि राम्रो सम्भावना बोकेकी नायिकाका रूपमा हेर्न थालिएको छ । काठमाडौंको बसोबासमा उनले गुड बाई काठमाडौंमा अभिनय गरेकी थिइन् भने त्यसपछि उनी केही म्युजिक भिडियोमा छाइन् । वानवेमार्फत चलचित्रमा नायिकाका रूपमा देखा परेकी लिम्बू चलचित्र क्षेत्रमै व्यस्त छिन् । 

सन्ध्या केसी : भिजे तथा मोडलका रूपमा व्यस्त सन्ध्या केसीले चलचित्र ड्रिम्सबाट चलचित्रमा डेब्यु गरेकी छिन् तर चलचित्रमा उनको अतिथि भूमिका मात्र छ । चुलबुले तथा अभिनयमा दख्खल राख्ने सन्ध्याका लागि चलचित्रको ढोका खुलेको धेरै चलचित्रकर्मीको अनुमान छ ।

रूपा खनाल : परिधि, दसगजाजस्ता केही चलचित्रमा देखा परिसकेकी रूपा खनाललाई चलचित्र राहदानीबाट आशा छ । पहिले रेस्टुरा“ व्यवसायमा सम्लग्न भएकाले पूरै समय चलचित्रमा देखिन नसकेकाले उनले उक्त रेस्टुरा“ नै बेचेकी छिन् । अब भने उनी पूरै समय चलचित्रमै व्यस्त रहने बताउ“छिन् । 

वर्षा शिवाकोटी : नाइ“ नभन्नु ल–२ बाट डेब्यु गरेकी वर्षा शिवाकोटीले थुप्रै म्युजिक भिडियोमा अभिनय गरिसकेकी छिन् । चलचित्रमा धेरैले आशा गरेकी वर्षाले आफूलाई पशुपति प्रसादबाट लाइम लाइटमा ल्याएकी छिन् । चलचित्रमै आफ्नो भविष्य देख्ने वर्षा निरन्तर दर्शकको मन जित्ने सोचमा छिन् । चलचित्रलाई निरन्तरता दिने हो भने उनको भविष्य पनि उज्ज्वल देखिन्छ ।