सौन्दर्य हेरचाह
वर्षामा छालामा अनेकौं समस्या देखापर्छन् । त्यसैले वर्षामा अनुहार तथा हातखुट्टाको सरसफाइमा विशेष ध्यान दिनुपर्छ । सम्भव भएसम्म दिनमा एकपटक फेसवास गर्नु उचित हुन्छ ।
* जाडोमा मात्र होइन वर्षभरि प्रयोग हुने प्रसाधन हो–लिप बाम ।
* विशेषत: जाडोमा ओठ फुट्ने, ओठको छालाको झिल्ली निस्कने आदि समस्याले सताउँछ ।
* बजारमा उपलब्ध कतिपय लिप गार्ड, चिपिस्टिक आदिमा केमिकल मिसाइने हुनाले लगाएको केही समय ठीक भए पनि पछि ओठ बढी नै चर्कन थाल्छ ।
* यस्तो अवस्थामा घरमै तयार पारिएको लिब बाम स्वास्थ्य एवं सौन्दर्यका हिसाबले बढी उपयुक्त हुन सक्छ ।
* सानो टुक्रा झन्डै एक इन्च बिजसवाक्स (मैन), १० थोपा जोजोबा तेल, १० थोपा मह तथा १० थोपा बदामको तेल सानो ससप्यानमा हालेर कम आँचमा पगाल्ने ।
* राम्रोसँग पग्लिएपछि आगोबाट बाहिर निकाल्ने र सेलाउन दिने । मनतातोमै कुनै बट्टा वा सिसाभित्र खन्याउने । सेलाइसकेपछि बट्टाको बिर्को राम्रोसँग बन्द गर्ने ।
* कलर बाम मनपर्छ भने बामलाई तयार पार्दा नै आफूलाई मनपर्ने कलरको लिपिस्टिकबाट सानो टुक्रा ती सबै सामग्रीमा मिसाउने । रोजेजस्तो कलरको बाम तयार हुन्छ ।
* यसरी तयार पारिएको लिब बाम केमिकलरहित तथा स्वस्थकर हुन्छ । यसलाई बिहान–बेलुका वा जुनसुकै समय प्रयोग गर्न सकिन्छ ।
- द फिनिसिङ टच ब्युटी टेक्नोलोजी
आममहिलालाई लक्षित गरी महिलाको विषयवस्तु सम्बन्धित म्यागेजिनको संख्या न्यून रहेको अवस्थामा नारी मासिकको परिकल्पना गरिएको हो । कान्तिपुर पब्लिकेसन्सको सह–प्रकाशन नारी मासिकले महिलाका विविध आयामलार्ई समेट्दै आएको छ ।महिलाका विषयवस्तुमा प्रकाशित म्यागेजिनको संख्या न्यून रहेको अवस्थामा यसले महिलाका विभिन्न विषयलार्ई समेट्दै आफूलार्ई अग्रस्थानमा राख्न सफल भएको छ ।
© Copyright narimag.com.np |