Successfully Copied

इला शर्मा : नारी संघर्षका स्मृतिहरु लोकार्पण

निर्वाचन आयोगकी पूर्वआयुक्त दिवंगत इला शर्माको स्मृतिमा ‘इला शर्मा नारी संघर्षका स्मृतिहरु’ नाम पुस्तक सार्वजनिक गरिएको छ ।


निर्वाचन आयोगकी पूर्वआयुक्त दिवंगत इला शर्माको स्मृतिमा ‘इला शर्मा नारी संघर्षका स्मृतिहरु’ नाम पुस्तक सार्वजनिक गरिएको छ । शनिबार काठमाडौंमा आयोजित एक विशेष कार्यक्रमकाबीच उक्त पुस्तक सार्वजनिक भएको हो ।
पुस्तकको विमोचन सर्वोच्च अदालतकी न्यायाधीश सपना प्रधान मल्ल, पूर्व प्रमुख निर्वाचन आयुक्त भोजराज पोखरेल, नेपाल पत्रकार महासंघकी अध्यक्ष निर्मला शर्मा र पुस्तकका सम्पादक डा अलका आत्रेय चूडालले गरेका थिए । न्यायधीश मल्लले इला शर्मा एक आँटिली र साहसी व्यक्तित्व भएको बताउँदै महिला भएकै कारण उनले भोगेका अभिव्यक्ति र देखाएको साहसको पनि स्मरण गर्नुपर्ने बताइन् । यसैगरी पूर्व प्रमुख निर्वाचन आयुक्त पोखरेलले शर्मालाई जस्तोसुकै कठिन चुनौतीलाई पार गर्न सक्ने र सहनशील व्यक्तित्वको रूपमा सम्झिनुभयो । उनी भन्छन् ‘शर्मा बहुप्रतिभाशालीका साथै महिलाको प्रतिनिधित्व र सीमान्तकृत वर्गलाई प्राथमिकतामा राखेर काम गर्थिन् ।



पत्रकार शर्माले इला शर्माले गरेको मेहनत, संघर्ष र योगदान सबैका लागि प्रेरणाको स्रोत रहेको बताइन् । उहाँले देखेका जति सपना छन् ती नीति नियममार्फत परिवर्तन ल्याउन सके सच्चा श्रद्धासुमन हुनसक्ने पनि बताइन् । पुस्तकका सम्पादक डा चूडालले नेपाली महिलाको योगदान र इतिहास लिपिबद्ध गर्ने यो पुस्तक नेपाली नारी संघर्षको ज्वलन्त दस्तावेज भएको बताइन् । शर्माका स्मृतिहरूमा आधारित २५५ पृष्ठ लामो उक्त पुस्तक विभिन्न लेखको संकलन तथा संयोजन अमृता लम्सालले गरेकी थिइन् भने पुस्तक अक्षर क्रिएशन्सले बजारमा ल्याएको हो । प्रकाशक डा अर्चना थापाले यो पुस्तक इला शर्माले गरेको न्याय, निष्ठा, संघर्ष र समाजका लागि गरेको योगदानको स्मरण रहेको बताइन् । पूर्व निर्वाचन आयुक्त शर्माको मृत्यु २०८२ असार २८ मा भएको थियो ।  

 Image