कोभिड–१९ को संक्रमणवाट बाथ रोगीहरु कसरी जोगिने 

उपासना घिमिरे

चैत्र २९, २०७६

डा. श्वेता नकर्मी, बाथरोग विशेषज्ञ, नेशनल बाथरोग सेन्टर

कोरोना भाइरस (कोभिड–१९) को जोखिम न्यूनिकरणका लागि सरकारले देशव्यापी रुपमा चैत ११ गतेदेखि लकडाउन गरेको छ । नेपालमा यो भाइरसवाट अहिलेसम्म ९ जना संक्रमित देखिसकेका छन् । भाइरसको जोखिम न्यूनिकरण गर्न अस्पतालहरुले आफ्नो ओपिडी सेवा बन्द गरेका छन् भने धेरैले हटलाइन मार्फत्सेवा दिइरहेका छन् । 

दीर्घकालिन रोग बाहेक प्राय: सबै बिरामीमा कोभिड १९ को जटिलता हुने संभावना धेरै हुने चिकित्सकहरुले बताइरहेका छन् । वृद्ध मानिस (६५ वर्ष भन्दा माथी) मा मधुमेह, मिर्गौला रोगका बिरामी जस्तै बाथरोगका बिरामीहरुमा पनि यसको जटिलता धेरै हुन सक्ने देखिन्छ । यसो हुनुको मुख्य कारण बाथ रोग स्वयं र यसमा प्रयोग हुने औषधी नै हो । 

बाथरोग भनेको मानिसको रोग प्रतिनिरोधक क्षमतामा गढबढी भएर हुने रोग हो । यसकारण बाथरोगीमा रोगसाग लड्ने क्षमता अरु सामान्य मानिसको तुलनामा अलिक कम हुन्छ । यसैगरी बाथरोगमा प्रयोग हुने औषधीका कारण पनि रोगसाग लड्ने क्षमता कम भइरहेको हुन्छ । यस्तो अवस्थामा कुनै पनि संक्रमण भएमा जटिलता देखा पर्न सक्छ । जसमा कोभिड १९ को संक्रमण पनि पर्छ । 

 

बाथका बिरामीले विशेष ध्यान दिनुपर्ने कुरा 

अहिले लकडाउनको अवस्था छ । ओपिडी सेवा बन्द छ । यस्तो अवस्थामा बाथ रोगीले चिकित्सकको सल्लाह नलिई सेवन गरिरहेको औषधी बन्द गर्ने वा कम डोज खाने गर्नुहुदैन ।

बाथरोगका प्रतिनिरोधक औषधी सेवन गरिरहेका बिरामीले सामाजिक दूरी कायम राख्नुपर्छ । बाहिर निस्कनुपरेमा पनि पुरा बाहुला भएका पहिरन लगाउनुपर्छ । बाहिरबाट आउनासाथ पहिरन परिवर्तन गरी साबुन पानीले हात धोइ हाल्नुपर्छ । 

जटिल बाथरोगका औषधी (प्रतिरोधात्मक) सेवन गरिरहेका बिरामी सकेसम्म घरबाहिर जानु हुदैन ।

घरभित्र बस्दा पनि अरु मानिसको सम्पर्कमा कम आउनु पर्छ । 

घरभित्र बसेर नियमित व्यायाम गर्नुपर्छ । 

कुनै पनि प्रकारका समस्या देखा परेमा चिकित्सकको सल्लाह लिनुपर्छ । 

धुम्रपान गर्नुहुदैन । आफ्नो तौल नियन्त्रणमा राख्नुपर्छ । 

लकडाउनका समयमा घरभित्रै बसी आफू पनि सुरक्षित र अरुलाई पनि सुरक्षित बनाउनुपर्छ । 

तपाईको प्रतिक्रिया

कमेन्टको लागि यहाँ click गर्नुहोस्

फेसबूक कमेन्ट गर्नुहोस्

फेसबूक छैन? यो फारम प्रयोग गर्नुहोस्


?>