थ्री ब्रदर्श फोटोग्राफीको आयोजनामा गत शनिबार चितवनमा सञ्चालित मिस ग्ल्यामर नेपाल–२०१९ को उपाधि पूजा आले मगरले जितेकी छिन् भने शान्ति श्रेष्ठ मिस ग्ल्यामर इन्टरनेसनल नेपाल–२०१९ हुन सफल भइन् । यो प्रतियोगितामा फस्ट रनर्सअप उर्मिला शर्मा तथा सेकेन्ड रनरअप अमिषा खरेल घोषित भए । ८ विधामा सबटाइटल वितरण गरिएको यो प्रतियोगितामा २० जना सहभागी थिए ।
फोटोग्राफीलाई मुख्य पेशा बनाएकाहरूले आयोजना गरेको प्रतियोगिताका विजेतालाई भ्रमण वर्ष २०२० को प्रवद्र्धनात्मक फोटोग्राफीमा प्रयोग गरिने इभेन्ट डाइरेक्टर सुमन श्रेष्ठले बताएका छन् । साउन ३२ र भदौ ७ गते गरी दुई चरणमा भएको अडिसनबाट छानिएका २० जनामध्ये फाइनलमा १० जनाले प्रतिस्पर्धा गरेका थिए । ती प्रतिस्पर्धीहरू चितवनका साथै मकवानपुर, नवलपुर तथा धादिङका भएका इभेन्टका संयोजक अनिल सुनारले बताए ।
आममहिलालाई लक्षित गरी महिलाको विषयवस्तु सम्बन्धित म्यागेजिनको संख्या न्यून रहेको अवस्थामा नारी मासिकको परिकल्पना गरिएको हो । कान्तिपुर पब्लिकेसन्सको सह–प्रकाशन नारी मासिकले महिलाका विविध आयामलार्ई समेट्दै आएको छ ।महिलाका विषयवस्तुमा प्रकाशित म्यागेजिनको संख्या न्यून रहेको अवस्थामा यसले महिलाका विभिन्न विषयलार्ई समेट्दै आफूलार्ई अग्रस्थानमा राख्न सफल भएको छ ।
© Copyright narimag.com.np |
