ध्यान गर्दा हुने फाइदा
ध्यान गर्दा मस्तिष्क शान्त हुन्छ । यसरी मस्तिष्क तनावरहित भएपछि रोगविरुद्ध लड्ने हार्मोनहरू क्रियाशील हुन्छन् भने रोग उत्पादन गर्ने हार्मोनहरू निष्क्रिय हुन थाल्छन् ।
आफ्ना लागि किनमेल गर्न जति सजिलो हुन्छ अरूका लागि त्यति नै जटिल हुन्छ । त्यसमा पनि बालबालिका तथा किशोरावस्थाका छोराछोरीका लागि यो काम चुनौतीनै साबित हुन्छ । उमेर तथा सोचको अन्तरले कहिलेकाहीँ उनीहरूको रोजाइ र आफ्नो रोजाइमा भिन्नता देखा पर्छ । त्यसैले के लिने भन्ने सोच्न आमाबुबालाई गार्हो पर्छ ।
छोरीका लागि किनमेलमा जानुभन्दा पहिले घरमा के–कस्ता खालका पहिरन छन् जाँच्ने । यसका साथमा उनको रोजाइ पनि जान्नु आवश्यक छ । टिनएजर्सका लागि कति मूल्यसम्मको सामान लिने हो त्यसको योजना बनाउनुपर्छ ।
कुनै पार्टी तथा विवाह समारोहका लागि पहिरन लिनुभन्दा पहिले फेसन म्यागजिन तथा पत्रपत्रिकाबाट लेटेस्ट डिजाइनका बारेमा जानकारी राख्न सकिन्छ । यसका साथमा उनीहरूलाई कस्तो पहिरन सुहाउँछ ख्याल गर्नुपर्छ ।
आफूमा पहिरनसम्बन्धी कला छ र त्यसमा केही पृथकता देखाउने इच्छा छ भने पुराना पहिरनलाई पनि फरक तथा सुन्दर डिजाइन दिन सकिन्छ ।
किनमेलमा जाँदा सम्भव भएसम्म आफ्ना टिनएज छोराछोरीलाई सँगै लिएर जानुपर्छ । यसले गर्दा उनीहरूले आफूलाई मन पर्ने तथा फिट हुने पहिरन रोज्न सक्छन् ।
टिनएज छोरीलाई किनमेलमा लानुभन्दा पहिले उनले सही अन्डर गार्मेन्ट लगाएकी छिन् कि छैनन् बुझ्नुपर्छ । टिनएज छोरीका लागि जिन्स, ट्राक, टप्स तथा अन्डर गार्मेन्ट सेल लागेको ठाउँबाट पनि लिन सकिन्छ । यो बजेटका हिसाबले सस्तो पर्छ ।
कहिल्यै हतारमा किनमेल गर्नु हुँदैन । किनभने टिनएजर किनमेल तथा छनोटमा चुँजी हुन्छन् र आफ्ना अभिभावकसँग पनि सोही कुराको अपेक्षा गर्छन् ।
आममहिलालाई लक्षित गरी महिलाको विषयवस्तु सम्बन्धित म्यागेजिनको संख्या न्यून रहेको अवस्थामा नारी मासिकको परिकल्पना गरिएको हो । कान्तिपुर पब्लिकेसन्सको सह–प्रकाशन नारी मासिकले महिलाका विविध आयामलार्ई समेट्दै आएको छ ।महिलाका विषयवस्तुमा प्रकाशित म्यागेजिनको संख्या न्यून रहेको अवस्थामा यसले महिलाका विभिन्न विषयलार्ई समेट्दै आफूलार्ई अग्रस्थानमा राख्न सफल भएको छ ।
© Copyright narimag.com.np |