फेसनमा नयाँ एसेसरिज
फेसन बजार परिवर्तित छ । खासगरी पहिरन शैली सधै एकनास रहँदैन । एसेसरिजको फेसन बजारमा पनि हरेक वर्ष नयाँ डिजाइन भित्रिरहेको हुन्छ । यसले व्यक्तिको सौन्दर्य निखार्ने काम गर्छ ।
सन् २०१५ मा इजिप्टबाट प्रारम्भ भएको मिस इको इन्टरनेशनलको वर्ष २०१८ को संस्करणमा नेपाली मोडल मौनता लामाले नेपालको प्रतिनिधित्व गर्दैछिन् । नेपालका लागि अघिल्लो वर्षमात्रै राष्ट्रिय निर्देशकको जिम्मेवारी पाएको ग्रिन आर्ट्स मिडियाले यो वर्षका लागि नेपाली प्रतिनिधित्वको छनोट गरेको हो । 
मौनतालाई मिस इको इन्टरनेशनल नेपाल–२०१८ को रुपमा छनोट गरिएको जानकारी दिन यसै साता काठमाडौंमा एउटा कार्यक्रम आयोजना गरियो । शो केशको रुपमा आयोजिन उक्त कार्यक्रममा मौनताले मिस इको इन्टरनेशनलमा प्रतिस्पर्धा गर्ने क्रममा लगाउने पहिरन तथा गरगहना प्रदर्शन गरेकी हुन् । फेसन शोको रुपमा सञ्चालित उक्त कार्यक्रममा मौनताले मोडलको रुपमा ती पहिरनहरु प्रदर्शन गरेकी हुन् । 
त्यसक्रममा मौनताले सिम्रिक डिजाइन स्टुडियोकी प्रज्ञा चित्रकारद्वारा तयार पारिएको इको ड्ेरस प्रस्तुत गरेकी थिइन्, जसमा नेपालको जैविक विविधतादेखि राष्ट्रिय झण्डासमेतलाई चित्रण गरिएको छ । चित्रकारद्वारा नै डिजाइन गरिएको राष्ट्रिय पहिरनमार्फत मौनताले आफूलाई बसुन्धरा देविको रुपमा प्रस्तुत गर्नेछिन् ।
मौनताको कार्यक्रममा विभिन्न डिजाइनरले तयार पारेका इभिनिङ गाउन तथा कक्टेल पहिरनहरु पनि प्रदर्शन गरिन् । ती पहिरनहरु सिम्रिक डिजाइन स्टुडियो, ड्रिम्स वेयर बुटिक, इनोभेट, क्रस रोड एपारल, काया डिजाइनर स्टुडियो तथा वो:सा वेयर्सले तयार पारेका हुन् ।
आममहिलालाई लक्षित गरी महिलाको विषयवस्तु सम्बन्धित म्यागेजिनको संख्या न्यून रहेको अवस्थामा नारी मासिकको परिकल्पना गरिएको हो । कान्तिपुर पब्लिकेसन्सको सह–प्रकाशन नारी मासिकले महिलाका विविध आयामलार्ई समेट्दै आएको छ ।महिलाका विषयवस्तुमा प्रकाशित म्यागेजिनको संख्या न्यून रहेको अवस्थामा यसले महिलाका विभिन्न विषयलार्ई समेट्दै आफूलार्ई अग्रस्थानमा राख्न सफल भएको छ ।
© Copyright narimag.com.np |