पर्वमा मेकअप
मोडलको अनुहारको सेप मिलेकाले कन्ट्रोल धेरै गर्नुपरेन । तर, अनुहारलाई सही सेप दिनका लागि चिकबोन, नाक, घाँटी, निधारमा हल्का कन्ट्रोल गरिएको छ ।
यसपटक तीजको मेकओभरका लागि मोडल तथा मिस हेरिटेज नेपाल निशा पाठकलाई छानिएको छ । तीजका बेला व्रत बस्ने, मठमन्दिर जाने एवं नाचगान गरिने हुँदा वाटरप्रुफ मेकअप नै प्रयोग गर्नुपर्छ । त्यसैले निशाका लागि सबै शृंगार सामग्री वाटरप्रुफ नै प्रयोग गरिएको छ ।
मेकअप फाउन्डेसनमै भर पर्ने भएकाले फाउन्डेसन उनको स्किनका अनुसार लगाई कम्प्याक पाउडरले सेट गरिएको छ । लिपिस्टिक लगाउनुअघि फाउन्डेसन तथा कम्प्याक पाउडर लगाएर लिपिस्टिक लगाई टिस्युले ड्याप गरिएको छ । यो मेकओभरमा पाठकको ओठमा म्याट लिपिस्टिक लगाई ग्लसले टच गरिएको छ ।
रातो पहिरनसँग आँखालाई स्मोकी गरी गोल्ड स्याडो बेस गरेर कालोले मर्ज गर्दा निशा अझै राम्री तथा आकर्षक देखिएकी छिन् । हल्का फाउन्डेसन आइलिडमा लगाए आइस्याडोको वास्तविक रंग आउँछ । निशाको आइबोनमा हाइ लाइटर आइस्याडो लगाई आँखालाई आकर्षक बनाइएको छ । गाजल अनि मस्कारा लगाई हल्का पिच कलर ब्लस प्रयोग गरेर यो मेकओभर पूरा गरिएको छ । यो वाटरप्रुफ मेकअप घरमै गर्न पनि सजिलो छ । तीजको समयमा यस्तो मेकअप राम्रो पनि देखिन्छ ।
मोडल : निशा पाठक
मेकअप तथा हेयर : संगीता प्रधान, काया द स्पट, कुपन्डोल
पहिरन : रूना मानन्धर, इनोभ एट बुटिक, कुपण्डोल
संयोजन : सिर्जना दुवाल श्रेष्ठ
तस्बिर : नवराज वाग्ले
आममहिलालाई लक्षित गरी महिलाको विषयवस्तु सम्बन्धित म्यागेजिनको संख्या न्यून रहेको अवस्थामा नारी मासिकको परिकल्पना गरिएको हो । कान्तिपुर पब्लिकेसन्सको सह–प्रकाशन नारी मासिकले महिलाका विविध आयामलार्ई समेट्दै आएको छ ।महिलाका विषयवस्तुमा प्रकाशित म्यागेजिनको संख्या न्यून रहेको अवस्थामा यसले महिलाका विभिन्न विषयलार्ई समेट्दै आफूलार्ई अग्रस्थानमा राख्न सफल भएको छ ।
© Copyright narimag.com.np |