केशको प्राकृतिक उपचार
बदलिँदो मौसम र खराब जीवनशैलीले हाम्रो केशमा नकारात्मक असर देखिन थालेको छ । केश रुखो र अस्वस्थ देखिनु नकारात्मक असर हो । यसबाट छुटकारा पाउन सही खानपान र केशको हेरचाहमा ध्यान दिन आवश्यक छ ।
दुई ग्लास पानीमा एक चम्चा चियाको पत्ति हालेर पानी केही समय उमाल्नुपर्छ त्यसपछि यसमा कागतीको रस हाल्नुपर्छ । यो मिश्रणले केश पखाल्दा केशमा चमक आउँछ ।
एक ग्लास बियर लिएर कंडीसनर जस्तै गरी यसलाई केशमा लगाउनुपर्छ । यसले केशलाई चमकदार तथा चम्किलो बनाउँछ ।
मुसुरोको दाललाई पानीमा भिजाएर पानीले केश धुदा यसले केशलाई नरम तथा चम्किलो बनाउँछ । केश सुख्खा छ तथापि आफूलाई प्याक लगाउने फुर्सद छैन भने दुई चम्चा मह तथा २ चम्चा रमलाई पानीमा हालेर केशलाई पखाल्नुपर्छ । यसले केशलाई नरम तथा मुलायम बनाउँछ ।
केशलाई अधिक प्रयोग गर्नु राम्रो मानिँदैन । त्यसैले ब्लो ड्राइ, केमिकल स्टेनिङ, कलरिङ आदि जस्तो प्रक्रिया जहाँसम्म कम गराउनुपर्छ ।
आममहिलालाई लक्षित गरी महिलाको विषयवस्तु सम्बन्धित म्यागेजिनको संख्या न्यून रहेको अवस्थामा नारी मासिकको परिकल्पना गरिएको हो । कान्तिपुर पब्लिकेसन्सको सह–प्रकाशन नारी मासिकले महिलाका विविध आयामलार्ई समेट्दै आएको छ ।महिलाका विषयवस्तुमा प्रकाशित म्यागेजिनको संख्या न्यून रहेको अवस्थामा यसले महिलाका विभिन्न विषयलार्ई समेट्दै आफूलार्ई अग्रस्थानमा राख्न सफल भएको छ ।
© Copyright narimag.com.np |