नेपालको हस्पिटालिटी विश्वमै प्रख्यात
हामी नेपालीको स्वभाव हँसमुख छ । हामी मिजासिला छौं । हामीकहाँ प्राकृतिक सुन्दरता उत्तिकै छ । हाम्रो कला–संस्कृति, संस्कार, पर्व र प्राकृतिक सुन्दरतालाई संसारभर चिनाउनुपर्छ ।
मिस नेपाल युनिभर्स नगमा श्रेष्ठले अमेरिकाको लस भेगासमा नोभेम्बर २६ मा आयोजना हुने ६६ औं मिस युनिभर्समा विश्वभरका सुन्दरीहरूसँग प्रतिस्पर्धा गर्नेछिन् । पहिलो मिस नेपाल युनिभर्स नगमा २०१२ की मिस नेपाल अर्थ हुन् ।
नगमाले देशको प्रतिनिधित्व गर्दै पहिलोपटक मिस युनिभर्समा सहभागिता जनाउन पाउँदा खुसी लागेको बताउँदै मिस नेपाल अर्थको अनुभव तथा प्रशिक्षणले प्रतिस्पर्धामा खरो उत्रन सघाउ पुर्याउने विश्वास व्यक्त गरिन् । पूर्वाञ्चल विश्वविद्यालयबाट बीबीए पूरा गरेकी नगमा राष्ट्रिय तथा अन्तर्राष्ट्रिय स्तरका विभिन्न सौन्दर्य प्रतियोगितामा सहभागी भैसकेकी छिन् ।
सन् २००९ मा मिस कलेज बनेर सुन्दरी प्रतियोगिताको यात्रा सुरु गरेकी नगमा फिलिपिन्सको मनिलामा सम्पन्न मिस अर्थ–२०१२ को टप ८ मा पुग्न सफल भएकी थिइन् । गत वर्ष चीनमा सम्पन्न वल्र्ड मिस युनिभर्सिटीमा तेस्रो स्थान प्राप्त गरेकी नगमाले इजिप्टमा सम्पन्न मिस इको युनिभर्समा बेस्ट टुरिजम भिडियोको उपाधि जितेकी थिइन् । नगमा टेलिभिजन कार्यक्रम निर्माता एवं प्रस्तोताका रूपमा पनि सक्रिय छिन् ।
आममहिलालाई लक्षित गरी महिलाको विषयवस्तु सम्बन्धित म्यागेजिनको संख्या न्यून रहेको अवस्थामा नारी मासिकको परिकल्पना गरिएको हो । कान्तिपुर पब्लिकेसन्सको सह–प्रकाशन नारी मासिकले महिलाका विविध आयामलार्ई समेट्दै आएको छ ।महिलाका विषयवस्तुमा प्रकाशित म्यागेजिनको संख्या न्यून रहेको अवस्थामा यसले महिलाका विभिन्न विषयलार्ई समेट्दै आफूलार्ई अग्रस्थानमा राख्न सफल भएको छ ।
© Copyright narimag.com.np |