‘दसैं मातृशक्ति आराधनाको पर्व हो’
ललितपुरस्थित कुपण्डोलमा ६६ वर्षअघि वीणा पौड्यालको जन्म भएको हो । पुल्चोकस्थित एउटा स्कुलबाट एसएलसी पूरा गरेकी उनले प्रवीणता प्रमाण तह, पद्मकन्या क्याम्पसबाट स्नातक र त्रिविबाट संस्कृति विषयमा स्नातकोत्तर गरेकी छन् ।
तपाईंले निर्देशन गरेको नाटक कोराका बारेमा केही बताइदिनुस् न ?
नाटक कोरा तिब्बती कवि तेञ्जिङ सुन्डुको कविता संग्रह कोरामा समाविष्ट चारवटा कविताको नाट्य रूपान्तरण हो । पात्रहरूलाई आफ्नै ठाउँ पराइ भएपछिको कथा यो नाटकमा हेर्न पाइन्छ । अहिले विश्वभरिका मानिसहरू शरणार्थी भैरहेका छन् । यो नाटक उनीहरूकै जीवन भोगाइको कथा हो । यो नाटक चलचित्रजस्तै छ । नाटकमा गीत, द्वन्द्व आदि सबै कुरा छन् ।
रंगमञ्चमा कसरी रुचि जाग्यो ?
मलाई सानैदेखि बलिउडका चलचित्र मन पर्थे । मलाई माधुरीजस्तै छे भनेर कमेन्ट पनि गर्थे । प्लस टुका विद्यार्थीहरूका लागि गरिने स्वागत कार्यक्रममा मैले एकल प्रस्तुति दिएकी थिएँ । त्यसपछि नाटकहरूबाट अफर आउन थाले ।
तपाईंले अभिनय गरेको पहिलो नाटक कुन हो ?
डा.अभि सुवेदीको आरू फूलका सपनाको अंग्रेजी संस्करण हो । त्यो नाटक ग्रिक थिएटरको फर्ममा थियो ।
अहिलेसम्म कतिवटा नाटकमा अभिनय गर्नुभयो ?
बीसजति कटे होलान् ।
टेलिभिजन प्रस्तोता, रंगमञ्च र चलचित्रमध्ये एउटा रोज्नुपर्यो भने ?
म रंगमञ्च नै रोज्छु । किनभने यसमा मीठो खालको दु:ख छ । दर्शक र हामीबीच कुनै दूरी हुँदैन । तत्काल रिजल्ट आइहाल्छ ।
आममहिलालाई लक्षित गरी महिलाको विषयवस्तु सम्बन्धित म्यागेजिनको संख्या न्यून रहेको अवस्थामा नारी मासिकको परिकल्पना गरिएको हो । कान्तिपुर पब्लिकेसन्सको सह–प्रकाशन नारी मासिकले महिलाका विविध आयामलार्ई समेट्दै आएको छ ।महिलाका विषयवस्तुमा प्रकाशित म्यागेजिनको संख्या न्यून रहेको अवस्थामा यसले महिलाका विभिन्न विषयलार्ई समेट्दै आफूलार्ई अग्रस्थानमा राख्न सफल भएको छ ।
© Copyright narimag.com.np |