मिथक : लामो समय ब्रस गर्दा दाँत सफा तथा राम्रो हुन्छ ।
सत्य : लामो समय ब्रस गर्दा दाँतको इनामेल निस्कन थाल्छ । यसले सेन्सेटिभिटी तथा अन्य समस्या हुन सक्छ । त्यसैले दिनमा दुई पटक भन्दा बढी ब्रस गर्नुहुँदैन ।
मिथक : सफा गराउँदा दाँत कमजोर हुन्छ ।
सत्य : ६ महिनामा एकपटक दाँत सफा गर्नु आवश्यक हुन्छ । यसले दाँतमा जमेको फोहोर जसबाट ब्याक्टेरिया बन्छ लाई दाँतमा सड्न नदिई बाहिर निकाल्छ ।
मिथक : राम्रोसँग ब्रस नगरे सास गन्हाउने समस्या देखापर्छ ।
सत्य : मुख राम्रोसँग सफा नगरे समस्या उत्पन्न हुन्छ । त्यसैले हरेक समय खाना खानासाथ कुल्ला गर्ने बानी बसाल्नुपर्छ ।
मिथक : कुल्ला गर्दा दाँतको बीचमा ग्याप बढ्छ ।
सत्य : यो गलत हो । कुल्ला गर्नु फाइदाजनक हुन्छ । यसले दाँतको बीचमा अड्किएको खानेकुराका कण बाहिर निकाल्छ जसले गर्दा गिजा संक्रमण हुनबाट जोगिन्छ ।
यो मुटुको कुरा हो
मिथक : छातीमा पीडा हुनु सधै मुटु रोगसँग सम्बन्धित हुँदैन ।
सत्य : सामान्यतया २० प्रतिशत केसमा छातीको पीडा मुटु रोगसँग सम्बन्धित हुँदैन । बाँकी ८० प्रतिशत मसल्सको पीडा तथा एसिडिटीका कारण पनि हुन सक्छ । यद्यपि छातीको पीडालाई कहिल्यै बेवास्ता गर्नुहुँदैन ।
मिथक : एन्जियोग्राफी गरेपछि एन्जियोप्लास्टी तथा बाइपास सर्जरी गराउनुपर्छ ।
सत्य : एन्जियोग्राफी गराउने करिब ५० प्रतिशत मानिस औषधिबाट ठीक हुन सक्छन् । एन्जियोप्लास्टी तथा बाइपास सर्जरीको कुनै आवश्यकता पर्दैन ।
मिथक : एन्जियोप्लास्टी केवल एकपटक हुन्छ ।
सत्य : एन्जियोप्लास्टी गरेपछि पनि ५ देखि १० प्रतिशत मानिसमा फेरि मुटुको समस्या हुने सम्भावना रहन्छ । त्यसैले फेरि पनि एन्जियोप्लास्टी गराउनुपर्ने हुनसक्छ ।
मिथक : एन्जियोग्राफी जोखिमपूर्ण हुन्छ ।
सत्य : एन्जियोग्राफी मुटु रोगका बारेमा जानकारी प्राप्त हुने सुरक्षित तथा विशेष जाँच हो । यो जोखिमपूर्ण हुँदैन ।
मिथक : मुटु रोगको सफल अप्रेसनपछि नियमित औषधिको आवश्यकता पर्दैन ।
सत्य : चिकित्सकले कुनै पनि किसिमको मुटु रोगपछि लामो समयसम्म औषधि खाने सल्लाह दिन्छन् । यो औषधि भविष्यमा हुन सक्ने मुटुसम्बन्धी पीडा तथा हर्ट एट्याकबाट बचाउन दिइन्छ ।
मिथक : अण्डा खानु हृदयका लागि हानिकारक हुन्छ ।
सत्य : अण्डाको पहेंलो भागमा २ सय कोलस्ट्रोल हुन्छ । कोलस्ट्रोल यस्तो बोसोयुक्त पदार्थ हो जुन रगतमा समावेश हुन्छ । यही कोलस्ट्रोल धमनीमा जमेर हर्ट एट्याकको कारण बन्छ । हालसालै सम्पन्न
एक अध्ययनले भने स्वस्थ मानिसले दिनहुँ अण्डा खान हुने कुरा बताएको छ । कोलस्ट्रोलबाट जोगिन अण्डाको सेतो भाग मात्र खानु उचित हुन्छ जसमा प्रोटिन हुन्छ ।
आममहिलालाई लक्षित गरी महिलाको विषयवस्तु सम्बन्धित म्यागेजिनको संख्या न्यून रहेको अवस्थामा नारी मासिकको परिकल्पना गरिएको हो । कान्तिपुर पब्लिकेसन्सको सह–प्रकाशन नारी मासिकले महिलाका विविध आयामलार्ई समेट्दै आएको छ ।महिलाका विषयवस्तुमा प्रकाशित म्यागेजिनको संख्या न्यून रहेको अवस्थामा यसले महिलाका विभिन्न विषयलार्ई समेट्दै आफूलार्ई अग्रस्थानमा राख्न सफल भएको छ ।
© Copyright narimag.com.np |
