उमेरको वृद्धिसँगै महिलाको हड्डी कमजोर हुन थाल्छ । फलस्वरूप अनेकन रोग उत्पन्न हुनसक्छन् ।
अस्टियोपोरोसिस हुने कारण
–उमेरको वृद्धिसँगै महिलाको शरीरमा एस्ट्रोजन हार्मोनको स्तर कम हुन थाल्छ फलस्वरूप हड्डी कमजोर हुन्छ ।
–हड्डी क्याल्सियम तथा फस्फोरसबाट बनेको हुन्छ । क्याल्सियमको कमीले टुटेको हड्डी अर्कोपटक जोडिँदैन र धेरै कमजोर पनि हुन्छ ।
–कुनै–कुनै औषधिको सेवनले पनि हड्डी कमजोर हुनसक्छ ।
–मदिराजन्य पेय पदार्थ बढी मात्रामा सेवन गर्दा पनि हड्डीसम्बन्धी समस्या उत्पन्न हुन्छ ।
कसरी बच्ने ?
–नियमित खानामा दूध, दही, हरियो सागपात, जुसजस्ता क्याल्सियमयुक्त खानेकुरा समावेश गर्नुपर्छ ।
–बलियो हड्डीका लागि भिटामिन डी पनि जरुरी हुन्छ । भिटामिन डीको प्रभावकारी एवं सुलभ स्रोत सूर्यको किरण हो । आवश्यक परे डाइट सप्लिमेन्टको साटो भिटामिन डीको क्याप्सुल पनि खान सकिन्छ ।
–धेरै कफी सेवन गर्नुहुँदैन । कफीमा हुने कफिनले हड्डी कमजोर बनाउँछ । त्यसबाहेक स्पोर्टस ड्रिंक्स, सप्लिमेन्ट्स तथा विभिन्न औषधिमा पनि कफिन हुनसक्छ ।
–योग गर्नु फाइदाजनक हुन्छ । दिनहँु १० मिनेट योग गर्दा आराम महसुस हुन्छ । यसले पुट्ठा तथा मेरुदण्ड मजबुत बनाउँछ ।
–नियमित रूपमा केही समयको अन्तरालमा बोन डेन्सिटी टेस्ट गराउनुपर्छ ।
जुन महिलाको ४५ वर्षभन्दा पहिले मेनापज हुन्छ त्यस्ता महिलालाई यो रोग लाग्ने खतरा बढी हुन्छ । महिनावारी अनियमित छ भने अस्टियोपोरोसिस लाग्ने सम्भावना बढ्छ ।
डा. उर्मिला कार्की, काठमाडौं मेडिकल कलेज, सिनामंगल
आममहिलालाई लक्षित गरी महिलाको विषयवस्तु सम्बन्धित म्यागेजिनको संख्या न्यून रहेको अवस्थामा नारी मासिकको परिकल्पना गरिएको हो । कान्तिपुर पब्लिकेसन्सको सह–प्रकाशन नारी मासिकले महिलाका विविध आयामलार्ई समेट्दै आएको छ ।महिलाका विषयवस्तुमा प्रकाशित म्यागेजिनको संख्या न्यून रहेको अवस्थामा यसले महिलाका विभिन्न विषयलार्ई समेट्दै आफूलार्ई अग्रस्थानमा राख्न सफल भएको छ ।
© Copyright narimag.com.np |
