फेसनमा घडी
पछिल्लो समय घडी समय सूचक मात्र नभएर ‘स्टाइल स्टेटमेन्ट’ बनेको छ । मान्छेले आफ्नो पहिरनजस्तै यसलाई पनि अनिवार्य ठान्न थालेका छन् । त्यसैले त राम्रो पहिरनमा चिरिच्याट्ट भएपनि मान्छेले नाडीमा घडी बाँध्न छुटाउँदैनन् ।
बौद्धस्थित हायात रिजेन्सीको हलमा दिउँसै फेसन शोको चमकदमक देखियो । कान्तिपुर गोल्ड टिभीबाट प्रत्यक्ष प्रसारित उक्त कार्यक्रम थियो– स्टाइल मन्त्र २०१६ रिलोडेड । उक्त फेसन शोमा भारतका तीनवटा चर्चित फेसन ब्रान्ड अम्बिका फेसन, महोत्सव तथा पार्वती फ्याब्रिक्स लिमिटेडले आफ्ना नयाँ एथनिक कलेक्सन सार्वजनिक गरे । हरेक फेसन ब्रान्डका दुई–दुई वटा कलेक्सन प्रस्तुत गरिएको उक्त शोमा ६ वटा सिक्वेन्स मार्फत् पहिरन प्रदर्शन गरिए ।
फेसन शोको प्रारम्भ अम्बिका फेसनको कलेक्सनबाट भएको थियो । त्यसपछि पार्वती फ्याब्रिक्सका कलेक्सनले र्याम्पमा प्रवेश पायो भने महोत्सव ब्रान्डका कलेक्सनको प्रस्तुतिबाट फेसन शोले बिट मार्यो । मूलत: फेसन शोमा रेडिमेड साडी, कुर्ता सलवार, लेहेंगा, डिजाइनर सलवार सुट प्रदर्शित गरिए । ट्रेडिसनल टच, एथ्निक स्टाइल एवं मोडर्न एप्रोचको विविधता, सुन्दर रंग संयोजन, चित्ताकर्षक डिजाइन र सोबर लुकको मनमोहकताले उपस्थित दर्शक लोभिएका देखिन्थे । दुई दर्जन नेपाली सुन्दरीहरुले र्याम्प नापेको उक्त फेसन शोमा पूर्व मिस नेपाल मलिना जोशी, पूर्व मिस नेपाल अर्थद्वय दिव्यता वैद्य एवं रोजिशा श्रेष्ठ शो स्टपरका रूपमा प्रस्तुत भएका थिए । ट्रेन्ड्स एडभर्टाइजिङ एन्ड मार्केटिङ कन्सल्टेन्ट्सको व्यवस्थापनमा सम्पन्न उक्त कार्यक्रमको कोरियोग्राफी प्रबल श्रेष्ठले गरेका थिए ।
आममहिलालाई लक्षित गरी महिलाको विषयवस्तु सम्बन्धित म्यागेजिनको संख्या न्यून रहेको अवस्थामा नारी मासिकको परिकल्पना गरिएको हो । कान्तिपुर पब्लिकेसन्सको सह–प्रकाशन नारी मासिकले महिलाका विविध आयामलार्ई समेट्दै आएको छ ।महिलाका विषयवस्तुमा प्रकाशित म्यागेजिनको संख्या न्यून रहेको अवस्थामा यसले महिलाका विभिन्न विषयलार्ई समेट्दै आफूलार्ई अग्रस्थानमा राख्न सफल भएको छ ।
© Copyright narimag.com.np |