त्यसका लागि उमेर, अवसर र फेसकटअनुरूप सही गहना छनोट गर्न सक्नुपर्छ । 

उमेरअनुसार  गहना 

बीसको उमेरमा

यो उमेरमा कोमल, ट्रेन्डी एवं स्टाइलिस गहना लगाउनुपर्छ । यो उमेरमा हरेक प्रकारका  गहना लगाउन सकिन्छ । अत: फंकी, ग्ल्यामरस एवं स्टाइलिस गहनालाई आफ्नो स्टाइल मन्त्र बनाउनुपर्छ । 

तीसको उमेरमा 

यो उमेरमा  गहना छनोट गर्दा विशेष ध्यान दिनुपर्छ । आफ्नो र परिवारको प्रतिष्ठाको ख्याल राखी गहना छनोट गर्नुपर्छ । धेरै लाइट वा हेभी  गहना लगाउनुको साटो डिजाइनर गहना लगाउनुपर्छ । 

पचासको उमेरमा 

यो उमेरमा पहिरनका साथै गहना पनि सिम्पल, तर ग्रेसफुल हुनुपर्छ । लामो चेनका साथमा पेन्डेन्ट र मुहारअनुरूप डिसेन्ट गहना नै उपयुुक्त मानिन्छ । 

फेस कटअनुसार ज्वेलरी सेलेक्सन 

ओवल सेप : अण्डाकार मुहारमा हरेक प्रकारका गहना सुहाउँछन् । त्यसैले अण्डाकार मुहार हुनेहरूले कुनै पनि गहना लगाउन सकिन्छ । 

राउन्ड सेप : राउन्ड फेस अर्थात् गोलो मुहार भएकाहरूले ह्याङगिङ इयरिङ तथा लामो चेन वा नेकलेस लगाउनुपर्छ । यसबाट मुहार लामो देखिन्छ । राउन्ड फेस तथा मोटो शरीर भएकाहरूले टप्स वा धेरै सानो इयरिङ लगाउनु हुँदैन । 

लङ सेप : लङ फेस अर्थात् लामो मुहार भएकाले ह्याङ्गिङ लगाउनु हुँदैन । कारण यसबाट मुहार अझ लाम्चो देखिन्छ । हायङ्गिङ इयरिङको साटो टप्स लगाउनुपर्छ । 

स्कवेयर सेप : स्कवेयर फेस अर्थात् चौकर मुहार भएकाले चौडा वा गोलो खालको झुम्का लगाउनुहुँदैन । यसबाट मुहार अझ चौडा देखिन्छ । चौकर मुहार भएकाहरूका लागि लामो झुम्का खुल्छ । 

उचाइअनुसार  गहना

उचाइ कम छ भने 

–कोलर लेन्थ वा लामो नेकपिस लगाउनुपर्छ । भी आकारको लेकलेस बढी सुट गर्छ । 

–मोटो वा हेभी करा, ब्रासलेट आदि लगाउनुको साटो हलुका खालको चुरा लगाउनुपर्छ ।

–अपवार्ड अर्थात् जसको डिजाइन माथितर्फ हुन्छ त्यस्तो इयरिङ छनोट गर्न सकिन्छ । 

एभरेज हाइट छ भने 

–कुनै किसिमको नेकपिस लगाउन सकिन्छ । 

–मोटो ब्रासलेट वा करा उपयुक्त हुन्छ । त्यसैले पातलो चुराको साटो करा वा ब्रासलेट लगाउनुपर्छ । 

–कुनै पनि डिजाइनको इयरिङ लगाउन सकिन्छ । 

अग्लाहरूले

–कुनै पनि साइज वा लम्बाइको नेकलेस लगाउन सकिन्छ तर चोकर बढी सुहाउँछ । विशेष अवसरमा लामो लाइन्स भएको चोकर पनि लगाउन सकिन्छ । 

–मोटो ब्रासलेट, करा वा हातभरि चुरा लगाउनुपर्छ । 

–लामो अर्थात् ह्याङ्गिङ इयरिङ बढी सुट गर्छ । 

बडी सेपअनुसार गहना सेलेक्सन 

–धेरै दुब्ला–पातलाहरूले भने हेभी खालका गहना लगाउनुहँुदैन । 

–मोटो शरीर भएकाहरूले भने साना खालका गहना लगाउनु हुँदैन । 

–मोटो शरीर भएकाहरूका लागि जडाउ गहना बढी सुहाउँछन् । घाँटी मोटो छ भने चोकर लगाउनुपर्छ । कारण यसबाट घाँटी अझ मोटो देखिन्छ । 

–घाँटी लामो छ भने झुम्का अनुहारमा खुल्छ ।