राजागञ्ज थुप्रै अन्तर्राष्ट्रिय फिल्म महोत्सवमा प्रदर्शनमा आएको छ । यसका लेखक तथा प्रोड्युसर हुन्, आशा मगराती । करिब ८ वर्षपछि नेपालमा फिल्म लिएर फर्किएकी उनीमुख्य भूमिकामा पनि देखिएकी छन् । यसै सन्दर्भमा उनीसँग गरिएको कुराकानी:
राजागञ्ज कस्तो फिल्म हो ?
पुलिस थ्रिलर फिल्म हो यो । यसमा महिला सशक्तीकरणलाई देखाउन खोजिएको छ ।सशक्त प्रहरी महिलाको भूमिकालाई अझ उजागर गरिएको छ । विभिन्न अन्तर्राष्ट्रिय महोत्सवमा ‘पूजा सर’ नामबाट यो फिल्म सहभागी भएको छ । यसमा ७ महिला कलाकारको अभिनय छ । जसले फरक–फरक परिवेश र भूमिकामा चरित्र निभाएका छन् ।
लामो समयको अन्तरालमा फिल्ममा फर्कनुभयो नि ?
करिब ८ वर्षपछि फर्किएँ, त्यसमा पनि मुख्य भूमिका लिएर । राजागञ्जनिर्माणमा नै लामो समय लाग्यो । यसको कथावस्तु निर्माणमा धेरै समय लगायौं । धेरै रिसर्च गर्नुपर्‍यो । प्रहरीको भूमिकालाई देखाउनुपरेको हुनाले प्रहरीबाट नै तालिम लियौं । प्रहरीलाई सेटमा नै राखेर काम गरेका छौं । यसले गर्दा केही समय लागेको हो ।

प्रमोसनमा आफै खटिनुभएको छ, कस्तो अनुभव छ ?
पहिला म कलाकारका रूपमा मात्रै हुन्थें । त्यसकारण सामान्य तरिकाले प्रचारप्रसार गर्दा हुन्थ्यो । आफै निर्माता भएकाले चुनौती महसुस हुन्छ । फिल्मलाई हलसम्म पुर्‍याउने र कसरी टिकाउने भन्नेमा ध्यान केन्द्रित छ । यहाँ दुई–तीन दिनसम्म फिल्म चल्न सकेन भने निकालिन्छ । त्यसकारण सुरुवातमा कसरी टिकाउने र चलाउने भन्ने चुनौती मैले महसुस गरें । फिल्मकथावस्तुले भन्दा पनि कलाकारको अनुहारले चलेको देखिन्छ ।
थिएटरको अभिनय सहज कि फिल्मको ?
फिल्म र थिएटर दुवै फरक विधा हुन् । थिएटरमा क्यारेक्टरमा डुबिन्छ, आफै त्यही पात्रको भूमिका निभाइन्छतर फिल्ममा पटक–पटक टेक लिनुपर्दापात्रमा बग्न गाह्रो हुन्छ ।
क्यान्सरबाट मुक्त भएर फिल्ममाआउने साहस कसरी जुटाउनुभयो ?
तीनवटा क्यान्सर जितेर म फिल्ममा मुख्य भूमिका निभाउन पुगेको हुँ । क्यान्सर जित्न आत्मबल नै ठूलोरहेछ ।आफू जति खुसी भयो, त्यति नै रोगलाई जित्ने हिम्मत हुने रहेछ । मैले परिवार, साथीभाइर आफन्त सबैका अगाडि आँसु लुकाएँ । सामाजिक सञ्जालमा पनि खुसी सेयर गरिरहें । यसले पनि आफूलाई अगाडि बढ्न र रोगसँग लड्न हिम्मत दिइरह्यो ।
नेपालमा क्यान्सर उपचार कत्तिको सहज छ ?
सहज छैन । मैले अमेरिकामा उपचार गराएँ। त्यहाँ बिरामीका लागि बस्नेदेखि विभिन्न फन्डको सहयोग अस्पतालले नै जुटाइदियो । तर नेपालमा यस्तो अवस्था छैन । क्यान्सर भइहाले आर्थिक अभावले धेरै बिरामीले ज्यान गुमाउनुपर्ने बाध्यता अझैछ । यसका लागि सरकारी तहबाट नै सहयोगदेखि फन्डको व्यवस्था हुनु आवश्यक छ ।