‘अरुलाई हँसाउन सजिलो छैन’
हाँस्न सजिलो हुन्छ नि । अरुलाई हँसाउन त गाह्रो हुन्छ, धेरै मेहनत गर्नुपर्छ ।
पोखरेली गायिका माया पुनले युरोपका विभिन्न देशमा सांगीतिक प्रस्तुति राखेकी छन् । लोकपप शैलीको गीतबाट पहिचान बनाएकी पुनले म्याग्दी प्रवासी नेपाली संघ (मोना) को संयोजनमा नेदरल्यान्ड्स, स्पेन र बेल्जियममा भएका कार्यक्रममा नयाँ पुराना गीत प्रस्तुत गर्दै दर्शकलाई झुमाएकी हुन् ।
गत हप्ता गैरआवासीय नेपाली संघ र मोनाले नेदरल्यान्ड्समा छुट्टाछुट्टै कार्यक्रम आयोजना गरे । सांगीतिक कार्यक्रममा गायिका पुनले आफ्ना गीत ‘झ्याउँ किरी’, ‘पोखरेली ठिटी’, ‘सालको पात’ गाएर दर्शक नचाइन् । पञ्चेबाजाको धुनमा पप गीत फ्युजन गरिएको ‘सालको पात’ दर्शकले रुचाए । मोना नेदरल्यान्ड्सका अध्यक्ष जंग पुनले मायाको गीतमा म्याग्दीकै स्वाद भेटिने बताए । मोना अन्तर्राष्ट्रिय समितिका सांस्कृतिक संयोजक समेत रहेका उनले युरोपमा भएका कार्यक्रमको संयोजन गरेका थिए ।
बेल्जियममा युरोप नेपाल कलाकार संघ र मगर समाज बेल्जियमले छुट्टाछुट्टै कार्यक्रममा मायालाई उभ्याए । बेल्जियमको चिसो मौसमलाई तताउन उनको गीतले सघाएको थियो । उनले मोना स्पेनले बार्सिलोनामा आयोजना गरेको सांस्कृतिक कार्यक्रममा समेत गीत सुनाइन् । ‘युरोपका नेपालीको संगीतप्रतिको मोह देखेर अचम्म लाग्यो,’ युरोपबाट पोखरा फर्किएकी उनले भनिन । म्याग्दीमा जन्मिएर पोखरालाई कर्मथलो बनाएकी उनी समाजसेवामा समेत सक्रिय छिन् ।
आममहिलालाई लक्षित गरी महिलाको विषयवस्तु सम्बन्धित म्यागेजिनको संख्या न्यून रहेको अवस्थामा नारी मासिकको परिकल्पना गरिएको हो । कान्तिपुर पब्लिकेसन्सको सह–प्रकाशन नारी मासिकले महिलाका विविध आयामलार्ई समेट्दै आएको छ ।महिलाका विषयवस्तुमा प्रकाशित म्यागेजिनको संख्या न्यून रहेको अवस्थामा यसले महिलाका विभिन्न विषयलार्ई समेट्दै आफूलार्ई अग्रस्थानमा राख्न सफल भएको छ ।
© Copyright narimag.com.np |