भर्सटाइल स्वस्तिमा
नेपाली चलचित्रमा स्वस्तिमा खड्का भर्सटाइल अभिनेतृका रूपमा परिचित छन् । उनले विभिन्न व्यक्तिको चरित्रलाई सहजै उतार्न सक्छिन् ।
रंग पत्रकारितामा कृयासिल गीता अधिकारीले तीज गीत सार्वजनिक गरेकी छिन् । समाचारमा कलम चलाउँदै आएकी सञ्चारकर्मी गीता अधिकारीले पहिलो पटक गीत लेखनमा कलम चलाएकी छिन् । उनले लेखेको ‘एतै घमाइलो उतै घमाइलो’ बोलको पहिलो तीज गीत यसै साता राजधानीमा सार्वजनिक भएको छ ।
गीताले लेखेको उक्त गीत अभिनेत्री सारिका घिमिरेले गाएकी छिन् । सार्वजनिक गीतमा दीपक शर्माको सङ्गीत, सुदिप सागरको सङ्गीत संयोजन, साजन शाहको ध्वनी मिश्रण रहेको छ ।
पुराना अभिनेत्रीलाई पहिलो पटक निर्देशक युवाराज वाइवाले उक्त गीतको म्यूजिक भिडियोमा नचाएका छन् । वीरेन्द्र भाट ‘विपिन’को छायांकन तथा सम्पादन रहेको भिडियोमा नेपालको पहिलो अभिनेत्री भुवन चन्द, नेपालको पहिलो रङ्गीन चलचित्रकी अभिनेत्री चैत्यदेवी, हास्य सम्राज्ञी बसुन्धरा भुसाल, अभिनेत्री रुपा राना, सारिका घिमिरेलले अभिनय गरेका छन् ।
वल्र्ड कभर मिडिया प्रालिको पोष्ट प्रोडक्सन रहेको गीतको भिडियोमा मनिता गहतराजको नृत्य निर्देशन, राम सिंह भाटको सह सम्पादन, विनोद दाहालको श्रृङ्गार, गीता तामाङको केश सञ्जा रहेको छ ।
अधिकारीको उक्त गीतलाई नेपालकी पहिलो महिला सभामुख ओनसरी घर्तीको प्रमुख आतिथ्यतामा सार्वजनिक गरिएको हो ।
गीतको म्यूजिक भिडियो :
आममहिलालाई लक्षित गरी महिलाको विषयवस्तु सम्बन्धित म्यागेजिनको संख्या न्यून रहेको अवस्थामा नारी मासिकको परिकल्पना गरिएको हो । कान्तिपुर पब्लिकेसन्सको सह–प्रकाशन नारी मासिकले महिलाका विविध आयामलार्ई समेट्दै आएको छ ।महिलाका विषयवस्तुमा प्रकाशित म्यागेजिनको संख्या न्यून रहेको अवस्थामा यसले महिलाका विभिन्न विषयलार्ई समेट्दै आफूलार्ई अग्रस्थानमा राख्न सफल भएको छ ।
© Copyright narimag.com.np |