परिवारिक टेलिचलचित्रमा अभिनय गरेरै ठूला पर्दाको कलाकारको भन्दा समाजमा गहिरो छाप छाड्न सफल कलाकार सरिता लामिछाने १० वर्षको लामो अन्तराल पछि पुन: सानो पर्दामा नै फर्किएकी छिन् । दशक अघि चर्चित टेलिश्रृखला ‘परिचय’ मार्फत सबैको मनमा बस्न सफल सरिता सोही टेलिश्रृखला ‘परिचय’को नयाँ संस्करणका साथमा फेरि दर्शक माझ आएकी हुन् ।
दशक अघि दर्शकले निकै रुचाएको यो श्रृखला यसपटक ‘एस्प्रो मिडिया’ले नेपाल टेलिभिजनबाट प्रसारणमा ल्याएको छ । सरिता लामिछाने मुख्य भूमिका रहेको टेलिश्रृखला ‘परिचय’ गत आईतबार साँझबाट प्रसारणमा आएको हो । सरिताका साथमा कलाकार सरोज खनाल, निर शाह, कविता शर्मा, वर्षा राउत, सुनिल कटुवाल, आर पी पन्त लगायतका कलाकारले पनि यस श्रृखलामा अभिनय गर्ने छन् ।
दशक अघिकै निर्देशक ऋषि लामिछानेले नै यस पटक पनि टेलिश्रृखला ‘परिचय’को निर्देशन गरेका छन् । परिचयलाई दर्शकहरुले अब नेपल टेलिभीजनको पर्दामा प्रत्यक आइतबार बेलुका ८:५० मा हर्न सक्छन् । पहिलो श्रृखलाबाटै राम्रो प्रतिकृया पाएकी सरिताले सिरियलले नै आफूलाई परिचय दिलाएकाले आफू यसबाट टाढा रहन नसक्ने बताएकी छिन् ।
परिचय एकताका नेपाल टेलिभिजनको १ नम्बर रेटिङमा रहेर लामो समय प्रसारण भएको टेलिसिरियल हो । ४ वर्ष सम्म चलेको यो सिरियल १ सय ४१ भागसम्म प्रशारण भएको थियो ।
परिचयको पहिलो भाग
आममहिलालाई लक्षित गरी महिलाको विषयवस्तु सम्बन्धित म्यागेजिनको संख्या न्यून रहेको अवस्थामा नारी मासिकको परिकल्पना गरिएको हो । कान्तिपुर पब्लिकेसन्सको सह–प्रकाशन नारी मासिकले महिलाका विविध आयामलार्ई समेट्दै आएको छ ।महिलाका विषयवस्तुमा प्रकाशित म्यागेजिनको संख्या न्यून रहेको अवस्थामा यसले महिलाका विभिन्न विषयलार्ई समेट्दै आफूलार्ई अग्रस्थानमा राख्न सफल भएको छ ।
© Copyright narimag.com.np |
