के हो चायाँ–पोतो ?
शरीरको उच्च भागमा जस्तै गालाको दुवैतिर निधार र नाकको छेउमा चायाँ–पोतो देखिन्छ । यो छालाको माथिल्लो र तल्लो सतहमा हुन्छ । ‘डर्मोकपी’नामक उपकरणबाट अवलोकन गरी यसको उपचार गर्न सकिन्छ ।
मह र कागतीको रस
मह र कागतीको रस मिसाएर प्रभावित स्थानमा लगाउनु प्रभावकारी हुन्छ । यसलाई प्रयोग गरेको १० देखि १५ मिनेटपछि धुनुपर्छ । कागतीमा प्राकृतिक ब्लिचिङको गुण हुन्छ र यसले ट्यानिङको असर घटाउँछ ।
दही
यसको प्रयोग घामबाट प्रभावित स्थानमा गर्नुपर्छ र चाँडै परिणाम चाहने हो भने स्नानपूर्व त्यसमा टमाटर र काँक्राको रस मिसाएर प्रयोग गर्नुपर्छ ।
एलोबेरा
राति सुत्नुपूर्व एलोबेरा लगाउनुपर्छ र बिहान सफा गर्नुपर्छ ।
आलु
काँचो आलुमा भिटामिन सी बढी मात्रामा पाइन्छ । त्यसैले यो ट्यानिङको उपचार प्रभावकारी हुन्छ । आलुको पेस्ट बनाएर त्यसलाई प्रभावित स्थानमा लगाई आधा घन्टापछि सफा गर्नुपर्छ ।
चनाको आटा
यसले घामका कारण ओइलाएको छालाको उपचार गर्न तथा डेड सेल्स हटाउन प्रभावकारी भूमिका खेल्छ । छालामा आधा घन्टा चनाको आटाको पेस्ट प्रयोग गरेपछि त्यसलाई धुनुपर्छ ।
आहारविहारमा विचार
–नियमित खुराक खानुपर्छ ।
–तरकारी बढी मात्रामा प्रयोग गर्नुपर्छ ।
–ग्रिन टी, बदाम आदि एन्टिअक्सिडेन्ट पनि सेवन गर्नुपर्छ ।
–प्रतिदिन कम्तीमा ८ गिलास पानी पिउनुपर्छ ।
–सनब्लक प्रयोग गर्नुपर्छ ।
–प्रतिदिन कम्तीमा ६ घन्टा सुत्नुपर्छ ।
–सुत्नुअघि दिनहुँ अनुुहार सफा गर्नुपर्छ ।
–नियमित रूपमा व्यायाम गर्नुपर्छ ।
आममहिलालाई लक्षित गरी महिलाको विषयवस्तु सम्बन्धित म्यागेजिनको संख्या न्यून रहेको अवस्थामा नारी मासिकको परिकल्पना गरिएको हो । कान्तिपुर पब्लिकेसन्सको सह–प्रकाशन नारी मासिकले महिलाका विविध आयामलार्ई समेट्दै आएको छ ।महिलाका विषयवस्तुमा प्रकाशित म्यागेजिनको संख्या न्यून रहेको अवस्थामा यसले महिलाका विभिन्न विषयलार्ई समेट्दै आफूलार्ई अग्रस्थानमा राख्न सफल भएको छ ।
© Copyright narimag.com.np |