दाह्रीको हेरचाह र सुरक्षा कसरी गर्ने ?
दाह्रीको लागि बजार या सलुनमा विभिन्न प्रकारका तेल उपलब्ध छन् । दाह्रीमा दैनिक या दिन बिराएर तेल मालिस गर्दा चम्किलो, मुलायम र आकर्षक देखिन्छ ।
तेल मालिस
तेल लगाउनु र मालिस गर्नुलाई प्राचीनकालदेखि नै फाइदाजनक मानिएको छ । केश सुख्खा र चमकरहित छ भने आलमण्ड तेल वा जोजोवा तेलले मालिस गराउनुपर्छ । ओयलिङ मसाज ट्रिटमेन्टबाट केशमा नरमपन कायम रहनुका साथै केशमा देखापर्ने डलनेस समाप्त भै त्यसमा चमक आउँछ । गर्मीमा चायाँ प्राकृतिक रूपमै तैलीय हुने भएकाले धेरै मात्रामा तेल लगाएर अधिक समय छोड्नु हुँदैन । यसो गर्दा चायाँ बढी तैलीय हुन सक्छ । मसाजको केही समयपछि नै केश धुनुपर्छ ।
पौडी खेल्नुअघि
पौडी खेल्नुपूर्व केशलाई थोरै भिजाउनुपर्छ । भिजेको केशलाई क्लोरिनले बढी सोस्न पाउँदैन र त्यसबाट हुने दुष्प्रभावबाट जोगिन सकिन्छ । क्लोरिनबाट जोगिन स्वीमिङ क्याप पनि प्रयोग गर्न सकिन्छ ।
नियमित ट्रिम
केशलाई नियमित रूपमा कम्तीमा महिनामा एकपटक ट्रिमिङ गर्नुपर्छ । यसबाट केश दुईमुखे हुने सम्भावना कम हुनुका साथै ड्यामेज केशको समस्या पनि समाधान हुन्छ अनि केशको जरासम्म हानि हुन पाउँदैन । गर्मीमा सर्ट हेयर स्टाइल उपयुक्त हुन्छ । यसबाट स्टाइल प्राप्त हुनुका साथै सहजता महसुस गर्न सकिन्छ ।
तरल पदार्थ सेवन
तरल पदार्थ बढी मात्रामा सेवन गर्नुपर्छ । यसबाट केशलाई नरमपन प्राप्त हुन्छ र केश डिहाइड्रेसनबाट जोगिन्छ । फलस्वरूप केश टुक्रने समस्या उत्पन्न हुन पाउँदैन ।
आममहिलालाई लक्षित गरी महिलाको विषयवस्तु सम्बन्धित म्यागेजिनको संख्या न्यून रहेको अवस्थामा नारी मासिकको परिकल्पना गरिएको हो । कान्तिपुर पब्लिकेसन्सको सह–प्रकाशन नारी मासिकले महिलाका विविध आयामलार्ई समेट्दै आएको छ ।महिलाका विषयवस्तुमा प्रकाशित म्यागेजिनको संख्या न्यून रहेको अवस्थामा यसले महिलाका विभिन्न विषयलार्ई समेट्दै आफूलार्ई अग्रस्थानमा राख्न सफल भएको छ ।
© Copyright narimag.com.np |