नेपालको तीव्र रूपमा विस्तार भइरहेको पूर्ण भिट्रिफाइड टाइल ब्रान्ड लामिनार ले काठमाडौं उपत्यकामा आफ्नो उपस्थिति थप विस्तार गरेको छ। ललितपुरको हरिसिद्धिमा गोदावरी ग्रेनाइट एन्ड टाइल्समार्फत लामिनारको प्रिमियम ‘एम्पोरियो’ शोरूम औपचारिक रूपमा उद्घाटन गरिएको हो।

शोरूमको उद्घाटन गोदावरी ग्रेनाइट एन्ड टाइल्सका निर्देशक ओमप्रकाश गोयल तथा लुम्बिनी सेरामिक्स लिमिटेडका निर्देशक आशुतोष खेतानले संयुक्त रूपमा गरेका थिए।

नयाँ शोरूममा लामिनारका उच्च गुणस्तरयुक्त, आधुनिक तथा टिकाउ टाइलहरू प्रदर्शन गरिएको छ। कम्पनीका अनुसार यी टाइलहरू आधुनिक आवासीय भवन, व्यावसायिक संरचना, होटल, अस्पताल, विमानस्थल तथा ठूला सार्वजनिक पूर्वाधार परियोजनाहरूका लागि विशेष रूपमा डिजाइन गरिएका छन्।

लामिनारका टाइलहरू एनएस ६१७ प्रमाणित पूर्ण भिट्रिफाइड उत्पादन हुन्, जसको पानी अवशोषण दर ०.०८ प्रतिशतभन्दा कम रहेको कम्पनीले जनाएको छ। कम पानी अवशोषण क्षमताले टाइललाई थप टिकाउ र दीर्घकालीन बनाउने विश्वास गरिएको छ। बर्दियाको गुलरिया स्थित अत्याधुनिक उद्योगमा इटालियन तथा स्पेनिस ग्लेज र डिजिटल इंक प्रणाली प्रयोग गरी उत्पादन गरिएका यी टाइलहरूले सतह निर्माण क्षेत्रमा नयाँ मापदण्ड स्थापित गरेको कम्पनीको दाबी छ।