महिला स्वास्थ्यलाई ख्याल गर्दै आयोजित ‘काठमाडौं पिंक केयराथन’  २ हजार महिलाहरुको सहभागितामा सम्पन्न भएको छ । शनिबार सम्पन्न  कार्यक्रममा महिलाहरुको उत्साहजनका सहभागिता रहेको थियो । लेजर पोर्ट नेपालद्वारा ललितपुरस्थित जावालाखेलमा आयोजित कार्यक्रममा जुम्बा देखि दौड प्रतियोगिता सम्पन्न भएको थियो ।

 महिला दौडअन्तर्गत २१ किमि हाफ म्याराथनको उपाधि आर्मीकी धाविका सुनसरी रोकायले जितेकी छन् । एपीएफकी पुष्पा भण्डारी दोस्रो र आर्मीकी निर्मला केसी तेस्रो भए । विजेताले ५१ हजार, दोस्रोले ३१ हजार र तेस्रोले २१ हजार रुपैयाँ पुरस्कार जित्न सफल भएका छन् ।

१० किमि दौडमा आर्मीकी निशा सार्कीले जितिन् भने , एपीएफकी आशा रावतले दोस्रो र पुलिसकी सुमित्रा चौधरीले तेस्रो स्थान हासिल गरे । विजेताले ३१ हजार , दोस्रोले २१ हजार र तेस्रोले ११ हजार पाए । ५ किमितर्फ आर्मीकी सरस्वती भट्टराई, अनुसिया तण्डुकार र आर्मीकी कुसुम तामाङ तथा ३ किमितर्फ सम्झना राई, गायत्री श्रेष्ठ र सुप्रिता थापा शीर्ष तीन स्थानमा विजयी भए । 

३ र ५ किमि दौडका विजेताले लाजिम्पाटमा रहेको दूसित प्रिन्सेस होटलमा दुई जनाका प्याकेज पाएका छन् । सबै १२ विजेताले मेटलाइफको तर्फबाट इन्स्योरेन्स प्याकेज पाएका छन् ।
घरायसी काम र दैनिकीमा ब्यस्त महिलालाई आफ्नो स्वास्थ्यका लाथि समय निकाल्न प्रेरित गरेको आयोजक संस्था अध्यक्ष नमराज जोशीले बताए ।

तस्बिरहरु - महेशमान प्रधान

थप लेखहरू

देउडामा नाच्दै सकियो टीकापुर महोत्सव

कान्तिपुरकर्मी सीमा सम्मानित

प्राध्यापक खरेलको नयाँ पुस्तक लोकार्पण