कोशी प्रदेश सरकार र विराटनगर महानगरपालिकाको सहकार्यमा आयोजना गर्न लागिएको ३ दिने उत्सवमा महिलाहरुले तयार पारेका घरायसी उत्पादनलाई बजारीकरण गरिनेछ । सबै प्रकारका स्थानीय औद्योगिक/व्यावसायिक उत्पादनहरु समेत प्रदर्शन गर्ने अवसर प्रदान गर्दै स्थानीय बजारको प्रवर्द्धनका लागि जोड दिने, निर्यातयोग्य वस्तुहरुको पहिचान गरी अवसर श्रृजना गर्न मद्दत पुर्‍याउने, उत्पादनकर्ता र उपभोक्ताबीचको सम्बन्ध विस्तार गर्ने लगायतका गतिविधिहरु गराई स्थानीय आर्थिक विकासमा योगदान पुर्‍याइनेछ । साथै उद्योग, व्यापार, शिक्षा, स्वास्थ्य, कृषि, पर्यटन लगायत विभिन्न क्षेत्रहरुमा संलग्न महिला उद्यमीहरुको प्रवर्द्धन एवं उत्थान गरिने योजना रहेको आयोजकको भनाई छ ।
बिहान १० बजेदेखि बेलुकी ८ बजे सम्म विराटनगरको सिटी पार्टी प्यालेस एण्ड रिसोर्टमा आयोजना गरिने यस नारी उत्सवमा निःशुल्क प्रवेश व्यवस्था रहने छ । उत्पादनहरु प्रदर्शनीका लागि एसी र नन एसी गरी करिब ६० वटा स्टल रहनेछन् । यसैगरी उत्सवमा अठार वर्ष माथिका महिलाका लागि ‘तीज क्वीन २०८१’ प्रतियोगिता आयोजना हुनेछ । प्रत्येक दिन बेलुका विभिन्न स्थानीय कलाकारबाट सांगीतिक कार्यक्रम आयोजना गरिने छन् । उत्सवको समुद्घाटन समारोहमा मिस नेपाल वर्ल्ड आश्मा कुमारी केसी र मिस नेपाल अर्थ सुमना केसीलाई विशेष अतिथिका रुपमा सहभागी हुनेछन् ।