नेपाली राष्ट्रिय महिला फुटबल टिमलाई युनिलिभर नेपालले वर्षमा २५ लाख रुपैया प्रायोजन गर्ने भएको छ ।
मंगलबार काठमाडौंमा आयोजित एक कार्यक्रममा अखिल नेपाल फुटबल संघ एन्फाले युनिलिभरसँग प्रायोजनसम्बन्धी सम्झौता गरेको हो ।
युवा तथा खेलकुदमन्त्री डिगबहादुर लिम्बुको उपस्थितिमा एन्फा अध्यक्ष पंकजबिक्रम नेम्वाङ र युनिलिभर नेपालमा म्यानेजिङ डिरेक्टर आमलाल मुखर्जीले सम्झौतापत्रमा हस्ताक्षर गरेका छन् ।
युवा तथा खेलकुद मन्त्री लिम्बुले महिला फुटबल खेलको विकासका लागि युनिलिभरको प्रायोजन महत्वपूर्ण भएको बताए ।
राष्ट्रिय महिला फुटबल टिमकी कप्तान एन्जिला तुम्बाप्पो सुब्बाले सम्झौताले फुटबल खेल्न चाहने महिला खेलाडीलाई हौसला मिलेको बताइन् ।
युनिलिभर नेपालका म्यानेजिङ डिरेक्टर आमलाल मुखर्जीले महिला खेलाडी विश्वकपमा पुग्ने लक्ष्यमा सहयोग हुने बताए।
तस्बीर -महेशमान प्रधान
आममहिलालाई लक्षित गरी महिलाको विषयवस्तु सम्बन्धित म्यागेजिनको संख्या न्यून रहेको अवस्थामा नारी मासिकको परिकल्पना गरिएको हो । कान्तिपुर पब्लिकेसन्सको सह–प्रकाशन नारी मासिकले महिलाका विविध आयामलार्ई समेट्दै आएको छ ।महिलाका विषयवस्तुमा प्रकाशित म्यागेजिनको संख्या न्यून रहेको अवस्थामा यसले महिलाका विभिन्न विषयलार्ई समेट्दै आफूलार्ई अग्रस्थानमा राख्न सफल भएको छ ।
© Copyright narimag.com.np |
