दाह्रीको हेरचाह र सुरक्षा कसरी गर्ने ?
दाह्रीको लागि बजार या सलुनमा विभिन्न प्रकारका तेल उपलब्ध छन् । दाह्रीमा दैनिक या दिन बिराएर तेल मालिस गर्दा चम्किलो, मुलायम र आकर्षक देखिन्छ ।
ग्रिन टी तौल कम गर्न, उमेर बढाउन तथा तनाव कम गर्न उपयोगी मानिन्छ, तर छाला र केशका लागि पनि यसले विशेष काम गर्छ ।
ग्रिन टीमा अनेकौं विविधता पाइन्छ । यसमा एप्पल ग्रिन टी विशेष हुन्छ । एप्पल ग्रिन टीमा मिनरल तथा भिटामिन सी प्रशस्त हुने हुँदा त्यसले छालालाई पुनर्जीवित गर्छ ।
ग्रिन टीले आँखामुनिको कालो घेरा, आँखा सुन्निएको तथा आँखामुनिको रिंकल हटाउँछ । यसका लागि ग्रिन टीको पाउँचलाई पानीमा हालेर पाँच मिनेटजति फ्रिजमा राखी आँखामाथि राख्नुपर्छ ।
ग्रिन टीको पानीले शरीरलाई शीतलता प्रदान गर्छ र शरीरलाई विषमुक्त बनाउँछ । ग्रिन टीलाई एक गिलास पानीमा उमालेर आधाजति भएपछि प्रयोग गर्नुपर्छ । यो टनिकलाई हरेक रात सुत्नुपूर्व स्किन टोनरका रूपमा प्रयोग गर्न सकिन्छ । यो तैलीय छालामा प्रभावकारी साबित हुन्छ । यो पानीलाई कुनै पनि फेस प्याक वा हेयर प्याकमा प्रयोग गर्न सकिन्छ ।
चिसोमा शुष्क छालाको समस्या हुन्छ । यसका लागि ग्रिन टीलाई पानीमा उमाल्ने, चिसो भएपछि दुई थोपा मह र ग्लिसरिन मिसाएर मुहारमा प्रयोग गर्ने । यसले शुष्क छालामा नेचुरल टोनरको काम गर्छ ।
फेसियल स्क्रवमा एक चम्चा ग्रिन टी मिसाउन सकिन्छ । बदामको पेस्ट, ग्रिन टी तथा थोरै दही मिश्रित पेस्टलाई फेस स्क्रबका रूपमा प्रयोग गर्नु लाभदायक हुन्छ ।
ग्रिन टीलाई पानीमा उमालेर चिस्याउने । स्याम्पु गरेपछि चिस्याइएको उक्त पानीले केश पखाल्ने । यसले स्केल्पमा पीएच ब्यालेन्सलाई सन्तुलित राख्छ र तैलीय केशको समस्याबाट छुटकारा दिन्छ । यसले चायाँको समस्या समाधानमा समेत सहयोग पुर्याउँछ ।
केश झर्ने समस्या छ भने उमालेर चिस्याइएको ग्रिन टी पानी स्केल्पमा लगाई केशलाई सुक्न दिने । यो उपाय सातामा कम्तीमा दुई–तीनपटक अवलम्वन गर्नुपर्छ । यसबाट केश झर्ने समस्यामा राहत प्राप्त हुन्छ ।
पेडिक्योर गर्दा कुर्कुच्चा रगड्न जुन स्क्रब प्रयोग गरिन्छ, त्यसमा एक ठूलो चम्चा ग्रिन टी हाल्न सकिन्छ । यसबाट कुर्कुच्चा कोमल एवं सफा हुन्छ ।
मनतातो ग्रिन टीमा थोरै नरिवलको तेल हालेर १० मिनेटसम्म आफ्नो हात डुबाएर राखेपछि जैतुनको तेल प्रयोग गरी हातले मालिस गर्दा घामले कालो भएको छाला सफा हुन्छ ।
ग्रिन टी हाली उमालिएको पानीलाई चिस्याएपछि त्यसमा कागतीको केही थोपा रस मिसाएर आइसट्रेमा जम्न छोड्ने । सफा मुहारमा प्याक लगाएर धोएपछि त्यसमा ग्रिन टी आइसले विस्तारै मालिस गरेर सुकाउने । यसले तैलीय छालामा नेचुरल एस्ट्रिजेन्टको काम गर्छ ।
मुल्तानी माटो, चन्दन पाउडर तथा बदाम पाउडरलाई उमालेर चिस्याइएको ग्रिन टी पानीमा भिजाएर पेस्ट बनाउने । यसलाई मुहारमा लगाएर २० मिनेटपछि पखाल्ने । यो फेस प्याकले शुष्क छालामा विशेष फाइदा पुर्याउँछ ।
आममहिलालाई लक्षित गरी महिलाको विषयवस्तु सम्बन्धित म्यागेजिनको संख्या न्यून रहेको अवस्थामा नारी मासिकको परिकल्पना गरिएको हो । कान्तिपुर पब्लिकेसन्सको सह–प्रकाशन नारी मासिकले महिलाका विविध आयामलार्ई समेट्दै आएको छ ।महिलाका विषयवस्तुमा प्रकाशित म्यागेजिनको संख्या न्यून रहेको अवस्थामा यसले महिलाका विभिन्न विषयलार्ई समेट्दै आफूलार्ई अग्रस्थानमा राख्न सफल भएको छ ।
© Copyright narimag.com.np |