मधुमेहको नयाँ औषधि नेपालमै

नारी संवाददाता

पुस ५, २०७५

नेपाली औषधि बजारमा म्याग्नस फर्माले मधुमेहका बिरामीका लागि नयाँ औषधि बजारमा ल्याएको छ । यसले विश्वव्यापी रूपमै नयाँ तथा प्रभावकारी मानिएको इम्पाग्लिफ्लोजिन नामक मधुमेहको औषधि बजारमा ल्याएको हो । 

यसले औषधिको ब्रान्ड नाम ग्लिफाज राखेको छ । कम्पनीका अनुसार इम्पाग्लिफ्लोजिन संसारभर नै मधुमेहका बिरामीका लागि प्रभावकारी मानिएको औषधि हो । अरू मधुमेहका औषधिले प्यांक्रियाजमा गएर काम गर्ने र इन्सुलिनको मात्रा बढाउने काम गर्छन् तर ग्लिफाजले भने मिर्गौलामा हुने ग्लुकोजको मात्रा घटाई शरीरमा भएको अतिरिक्त ग्लुकोजलाई पिसाबमार्फत बाहिर पठाउँछ । 

बाहिरको औषधिभन्दा यो सस्तो पनि छ । म्याग्नस फर्माले नयाँ–नयाँ औषधि उत्पादन गर्दै आएको छ । म्याग्नसले यसअघि पहिलोपटक मस्तिष्कघात एवं छारे रोगका बिरामीका लागि पनि औषधि उत्पादन गरिसकेको छ । 

तपाईको प्रतिक्रिया

कमेन्टको लागि यहाँ click गर्नुहोस्

फेसबूक कमेन्ट गर्नुहोस्

फेसबूक छैन? यो फारम प्रयोग गर्नुहोस्


?>