नारी संवाददाता

फाल्गुन २८, २०७३

 

• भाङ, धतुरो, गाँजा आदिको कुरा आउनासाथ भगवान् शिवको नाम जोडिन्छ । 
• शिव रात्रि होस् वा होली, दुवैमा बेहोस हुने गरी भगवान् शिवको नाममा भाङ खानेहरू प्रशस्तै पाइन्छन् । गाँजा, भाङ, धतुरो आदिको दुरुपयोग धेरै भएको पाइए पनि यी औषधीय गुणले समेत भरिपूर्ण छन् । 
• भाङ र मरिचको धूलो बराबर मात्रामा मिसाएर महसँग १ ग्राम खाँदा अपचको समस्या समाधान हुन्छ । 
• भाङको तेल दुखेको ठाउँमा लगाउँदा पीडा कम हुन्छ । 
• भाङको बीउमा ओमेगा–६, ओमेगा–३ लगायत अन्य खनिज तत्व पाइन्छ । 
• भाङको बीउ खाँदा मुटु रोगको सम्भावना कम हुन्छ । 
• भाङको बीउलाई चटनीका रूपमा पनि प्रयोग गर्न सकिन्छ । 
• फाइबर स्वास्थ्यका लागि आवश्यक तत्व हो, जुन भाङको बीउमा प्रशस्त मात्रामा पाइन्छ। 
• सुन्निएको वा दुखेको ठाउँमा भाङको पात पिसेर लेप लगाउँदा फाइदा हुन्छ । 
• दमका रोगीले भाङको पात तथा मरिचको चूर्ण सख्खरसँग खाँदा लाभ मिल्छ ।
• टाउको दुखाइमा भाङको पातको रसले फाइदा पुर्‍याउँछ ।
• भाङको प्रयोग औषधीय रूपमा नगरेर केवल नशाका लागि गर्नु हानिकारक हुन्छ ।