गगल्सले आँखालाई घामको चर्को किरणबाट जोगाउँछ भने यो अहिले फेसनको पर्याय पनि बनेको छ । अहिले हरेक उमेरका महिलाले चस्मालाई आफ्नो फेसन स्टेटमेन्टका रूपमा लिने गरेका छन् । गगल्स पनि मानिसहरूको उमेर तथा अनुहारको आकारअनुसार फरक–फरक हुन्छ । अहिले बजारमा विविध आकार तथा रंगका गगल्स खरिद गर्न सकिन्छ । नेपाली बजारमा ब्रान्डेडदेखि ननब्रान्डेड सबैको माग उस्तै छ । दरबारमार्ग, कुमारीपाटी, न्युरोड तथा विभिन्न मलहरूमा ब्रान्डेड गगल्सका आधिकारिक शोरुमहरू छन् । नेपालमा गुची, रेबन, फुजी, ब्राडा, जारा, पुलिस आदि ब्रान्डका गगल्स लोकप्रिय छन् ।
चस्माको चयन
अनुहारको आकार सानो छ भने ठूलो आकारको गगल्स लगाउनु हुँदैन ।
अहिले बजारमा रातो, कालो, साइनिङ तथा कोरियन सेपका चस्मा चल्तीमा छन् ।
ओभल फेस
यस्तो अनुहारका लागि हरेक प्रकारको गगल्स सुहाउँछ । अझ चारपाटे तथा सफ्ट किनारा भएको सनग्लास सुहाउँछ । सनग्लास खरिद गर्दा त्यसको चौडाइ आफ्नो अनुहारसँग मिल्ने हुनुपर्छ । चस्माको आकारले आइब्रोलाई छेक्नु हुँदैन ।
राउन्ड फेस
अनुहार गोलो छ भने सानो आकारको गगल्स खरिद गर्नुपर्छ । यसले परफेक्ट लुक दिन्छ । गोलाकार अनुहार भएकाहरूले राउन्ड प्लेन फ्रेम लगाउनु हँुदैन ।
स्क्वायर फेस
यस्तो अनुहारका लागि अण्डाकार वा गोलो फ्रेम सुहाउँछ । निधार ठूलो छ भने ओभल सेपको फ्रेम छनोट गर्नुपर्छ ।
रेक्टेंगुलर फेस
यस्तो अनुहारलाई गोलो आकारको चस्मा सुहाउँछ । ठूलो फ्रेमयुक्त चस्मा लगाउनु हँुदैन ।
ट्रयांगुलर फेस
यो सेपको अनुहारका लागि मेटल फ्रेम निकै सुहाउँछ ।
आममहिलालाई लक्षित गरी महिलाको विषयवस्तु सम्बन्धित म्यागेजिनको संख्या न्यून रहेको अवस्थामा नारी मासिकको परिकल्पना गरिएको हो । कान्तिपुर पब्लिकेसन्सको सह–प्रकाशन नारी मासिकले महिलाका विविध आयामलार्ई समेट्दै आएको छ ।महिलाका विषयवस्तुमा प्रकाशित म्यागेजिनको संख्या न्यून रहेको अवस्थामा यसले महिलाका विभिन्न विषयलार्ई समेट्दै आफूलार्ई अग्रस्थानमा राख्न सफल भएको छ ।
© Copyright narimag.com.np |
